الماتى پوليتسيا باستىعىنىڭ بۇرىنعى ورىنباسارى ۇستالدى

باس پروكۋراتۋرانىڭ مالىمەتىنشە, 2022 جىلعى قاڭتاردا الماتى وبلىسى قاراساي اۋدانى كوشمامبەت اۋىلىندا ورنالاسقان ارنايى قابىلداۋ ورنىندا ازاماتتاردى ازاپتاۋ بويىنشا قىلمىستىق ءىس تەرگەلىپ جاتىر. «تەرگەلىپ جاتقان قىلمىستىق ءىس شەڭبەرىندە, 2024 جىلعى 28 مامىردا قپك-ءنىڭ 128-بابىنا سايكەس الماتى قالاسى پوليتسيا دەپارتامەنتى باستىعىنىڭ بۇرىنعى ورىنباسارى ب. ابيلبەكوۆ ۇستالدى», – دەلىنگەن حاباردا. بۇل رەتتە قۇزىرلى ورگان قپك-ءنىڭ 201-بابى نەگىزىندە ءىس بويىنشا وزگە دە تولىعىراق اقپارات جاريا ەتۋگە جاتپايتىنىن مالىمدەدى.