الماتى پوليتسياسى لوپەستىڭ كونتسەرتىنە بايلانىستى ەسكەرتۋ جاسادى

فوتو: depositphotos.com/Image Press Agency

10 تامىز كۇنى ورتالىق ستاديوندا وتەتىن دجەننيفەر لوپەستىڭ كونتسەرتىنە بايلانىستى الماتى پوليتسياسى جولداردىڭ ۋاقىتشا جابىلاتىنى تۋرالى سىزبانى جاريالادى,  دەپ جازادى qandastar.kz

ساعات 16:00-دەن باستاپ كەلەسى ۋچاسكەلەردە قوزعالىس شەكتەلەدى:
بايتۋرسىنوۆ كوشەسى – شەۆچەنكو كوشەسىنەن تيميريازەۆ كوشەسىنە دەيىن,
ساتپاەۆ كوشەسى – سەيفۋللين داڭعىلىنان بايزاقوۆ كوشەسىنە دەيىن,
اباي داڭعىلى – سەيفۋللين داڭعىلىنان مۇقانوۆ كوشەسىنە دەيىن.
جۇرگىزۋشىلەرگە باعىتتارىن الدىن الا جوسپارلاۋ ۇسىنىلادى.
بارلىق قوناقتاردان ۇيىمداستىرۋشىلار ستاديونعا كىرۋ كەزىندە كىدىرىستەر بولماس ءۇشىن الدىن الا كەلۋدى سۇرايدى. ستاديونعا كىرۋ ساعات 15:00-دەن باستالادى. ءىس-شاراعا كىرۋ تەك QR-كودى بار بيلەتپەن جۇزەگە اسىرىلادى. ءبىر بيلەت – ءبىر ادامعا عانا جارامدى.

VIP Standing, Fan zone, Dance floor سياقتى تۇرۋ ايماقتارىنا 16 جاستان باستاپ كىرۋگە رۇقسات ەتىلەدى. 12 مەن 16 جاس ارالىعىنداعى كامەلەتكە تولماعاندار ءىس-شاراعا تەك ەرەسەك ادامنىڭ ەرتىپ كەلۋىمەن جانە وتىرعىش ورىندارعا ارنالعان بيلەتى بولعان جاعدايدا عانا جىبەرىلەدى.