Jańalyqtar
Almaty polıııasy úsh adamdy qasaqana qaqqan kólikterdi tárkiledi
Almatyda úsh adamdy qasaqana qaqqan kólikterdiń ekeýi detabylyp, arnaıy avtoturaqqa jetkizildi, dep habarlaıdy QazAqparat tilshisi Almaty qalalyq Polıııa departamentiniń baspasóz qyzmetine silteme jasap.
Tergeý basqarmasynyń málimetinshe, aq tústi «Toyota Camry» jáne qara tústi «Toyota Avensis» kólikteri aıǵaqzattar retinde alynyp, QR QK-niń 24-baby 3-bóligi jáne 99-babynyń 2-bóligi boıynsha qozǵalǵan qylmystyq is materıaldaryna tirkeldi.
«Eki kólikti de krımınalıstik zerthana qarap shyqty, olarda soqtyǵysý belgileri bar. Tıisti saraptama taǵaıyndaldy. Qazir mashınalar mamandandyrylǵan avtoturaqqa qoıylyp, qylmys quraly retinde olarǵa arest qoıý týraly tergeýshiniń qaýlysy shyqty», — dedi Almaty qalalyq PD tergeý basqarmasy bastyǵynyń orynbasary Dýman Aýhadıev.
Almatynyń Gagarın kóshesinde adamdardy qasaqana qaqqan kúdiktilerdiń biri 26 tamyz kúni keshke ustalǵan bolatyn. 1995 jyly týǵan azamat A. Almaty oblysy Eńbekshiqazaq aýdanynyń turǵyny. Ol QR Qylmystyq kodeksiniń 128-baby tártibinde ýaqytsha ustaý ızolıatoryna qamaldy. Er adam qylmys jasaý kezinde aq tústi «Toyota Camry» markaly avtokóligin basqarǵan.
«Ekinshi kúdiktiniń jeke basy anyqtaldy. Jaqyn arada mindetti túrde ustalady. Ol otyrǵan «Toyota Avensis» kóligin taýyp, tárkiledik. Aıta ketý kerek, qylmystyq istiń materıaldary aýdandyq polıııa basqarmasynan Tergeý basqarmasynyń óndirisine berildi. Bul qylmysty tergeý úshin arnaıy jedel-tergeý toby quryldy», — dedi podpolkovnık Aýhadıev.
Esterińizge salaıyq, 26 tamyzda tańǵy saǵat 5-te Almaty qalasynyń Gagarın kóshesinde arada bolǵan janjaldan keıin bir taraptyń ókilderi óz qarsylastaryn avtomobılmen qasaqana qaǵyp, qylmys ornynan boı tasalaǵan. Vıdeo áleýmettik jelide tarady.
Zardap shekkenderdiń densaýlyǵy týraly Almaty qalalyq densaýlyq saqtaý basqarmasy málim etti.
«Almaty №7 qalalyq klınıkalyq aýrýhanaǵa 2 adam tústi. Birinshisine ashyq bas súıek-mı jaraqaty, mıdyń jeńil dárejedegi jaraqaty, bastyń oń jaq súıeginiń syný dıagnozy qoıyldy. Jaǵdaıy — ortasha aýyr. Ekinshi naýqasqa jabyq bas jaraqaty, mıdyń shaıqalý dıagnozy qoıyldy. Jaǵdaıy ortasha aýyr dep baǵalanady. Úshinshisi Ortalyq qalalyq aýrýhanaǵa jetkizildi. Onyń sol aıaǵynyń tobyǵy, oń qol shyntaǵy jabyq, sol qol shyntaǵyna ashyq synǵan degen dıagnoz qoıylyp otyr. Jaǵdaıy ortasha aýyr», — dep habarlady Densaýlyq saqtaý basqarmasynan.
