قارجى جانە تولەمدەر
«الماتى سۋ» وكىلى 5 جىلعا سوتتالدى
فوتو:انتيكور
”الماتى سۋ» باس ديرەكتوردىڭ ورىنباسارى – دەپارتامەنت باسشىسى ماقسات جولدىباەۆ 75 ميلليون تەڭگەنى ۇرلاۋعا وقتالعانى ءۇشىن 5 جىلعا سوتتالدى, دەپ جازادى qandastar.kz
بۇل تۋرالى قر سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ورىنباسارى دارحان قۇراقباەۆ ءمالىم ەتتى.
«ءىس تەرگەلىپ, سوتتا قارالدى. ءتىپتى, كاسىپكەردەن 75 ميلليون تەڭگە الماق بولدى دەگەن ايىپ تاعىلعانىمەن, شارتتى تۇردە 5 جىلعا باس بوستاندىعىنان ايىرىلعانى باق بەتتەرىندە جاريالاندى.
قاداعالاۋ ورگانىنىڭ (پروكۋراتۋرانىڭ) نارازىلىعى بويىنشا اپەللياتسيالىق شاعىم جاسالىپ, ۇكىم وزگەرتىلدى. وعان ناقتى 5 جىل باس بوستاندىعىنان ايىرۋ جازاسى بەرىلدى. ول سوت زالىندا قاماۋعا الىندى», — دەدى د. قۇراقباەۆ سەناتتا تىلشىلەر سۇراعىنا جاۋاپ بەرە وتىرىپ.
