جاڭالىقتار

الماتى تۇرعىندارى جەر سىلكىنىسىن سەزىندى

فوتو: اشىق دەرەككوز

الماتى تۇرعىندارى جەر سىلكىنىسىن سەزىندى, دەپ جازدى qandastar.kz

«قر تجم „سەيسمولوگيالىك زەرتتەۋ ينستيتۋتى“ جشس سەيسميكالىق ستانتسيالار جەلىسى 2024 جىلعى 25 قاراشادا استانا ۋاقىتىمەن 23 ساعات 45 مينۋتتا جەتىسۋ وبلىسىندا جەر سىلكىنىسىن تىركەدى. سەزىلەتىندىگى تۋرالى مالىمەتتەر ناقتىلانۋدا», — دەپ جازدى مينيسترلىكتى ءباسپاسوز قىزمەتى.

جەر سىلكىنىسى ءبىر ۋاقىتتا ەلىمىزدىڭ بىرنەشە قالاسىندا سەزىلگەن

توتەنشە جاعدايلار مينيسترلىگىنىڭ مالىمەتىنشە:

  • الماتى 2 بالل,
  • جاركەنت قالاسى 4 بالل,
  • چۋندجا اۋىلى 3 بالل,
  • تەكەلى 3,
  • قىرعىزساي اۋىلى 2 بالل,
  • قارابۇلاق كەنتى 2 بالل,
  • جانسۇگىروۆ اۋىلى 2 بالل,
  • كوكپەك اۋىلى 2 بالل,
  • سارقانت قالاسى 2 بالل,
  • تالدىقورعان قالاسى 2 بالل

 

جەر سىلكىنىسى كەزىندەگى 10 قاراپايىم قادام

1. جەر ءدۇمپۋى كەزىندە ۇرەيلەنبەڭىز;

2. جەر سىلكىنۋ كەزىندە ليفت جانە باسپالداقپەن قولدانباڭىز;

3. جيhازدان, تەرەزەدەن, ارى تۇرىڭىز;

4. جاسىرىناتىن جەردى تابىڭىز — جوعارعى قاباتتاردا نەگىزگى ىرگەلى قابىرعالاردىڭ بۇرىشىندا ورىن الىپ جاسىرىڭىز;

5. عيماراتتان شىعىڭىز (تومەنگى قاباتتاردا); — كوپ قاباتتى ۇيلەردە جەر سىلكىس اياقتالعان سوڭ عيماراتتان شىعىڭىز;

6. كەتەر الدىندا سۋدى, گازدى, ەلەكتر قۋاتىن مۇمكىندىگىڭىزشە ءوشىرىڭىز;

7. دابىل جول ساندىعىن الىڭىز (الدىن الا دايىنداۋ قاجەت);

8. ەلەكتر جەلىلەردەن, عيمارات, اعاشتاردان اۋلاق بولىڭىز;

9. جەر سىلكىنۋىنە دايىن بولىڭىز;

10. قارت ادامدارعا, بالالارعا, مۇمكىندىگى شەكتەۋلى ادامدارعا كومەك كورسەتىڭىز.

ىلمەكتەر

وسى ايداردا

دوباۆيت كوممەنتاري

Close