الماتى تۇرعىنى ءيتىن تۋرنيككە بايلاپ, ازاپتاعان

الماتىدا جانۋارعا جاسالعان تاعى ءبىر قاتىگەزدىك قوعامنىڭ اشۋىن تۋعىزدى, دەپ جازدى Qandastar.kz Qumash telegram-ارناسىنا سىلتەمە جاساپ.

ەر ادام ءيتىن تۋرنيككە تۇرعىزىپ, الدىڭعى اياقتارى مەن موينىن مىقتاپ بايلاپ قويعان. ءوزى جاتتىعۋعا كىرىسىپ كەتكەندە, اۋىرسىنعاننان قىڭسىلاپ, دىرىلدەگەن يتكە ەش كوڭىل بولمەگەن. وقيعا كۋاگەرلەرى اراشا تۇسكەندە, ول ايقايلاپ, ادامداردى قورقىتقان.

پوليتسيا كەلگەن سوڭ قوجايىن بۇل — تازى تۇقىمى, ءبىر جاسقا تولعان, سوندىقتان «جاتتىقتىرىپ, سوزۋ كەرەك» دەپ اقتالعان.

دەگەنمەن, پوليتسيا دەپارتامەنتى وعان اكىمشىلىك جازا تاعايىندالعانىن حابارلادى, بىراق ناقتى قانداي جازا ەكەنى ايتىلعان جوق.