الماتى تۇرعىنى ءتورتىنشى قاباتتاعى بالكونعا ورمەلەپ شىعىپ, ءورتتى ءسوندىردى

الماتى قالاسىنىڭ «الما سيتي» تۇرعىن ءۇي كەشەنىندەگى ءتورتىنشى قاباتتاعى پاتەرلەردىڭ ءبىرىنىڭ بالكونىندا قوقىس ورتەنگەن, دەپ حابارلايدى turkystan.kz.

وقيعا 4 ماۋسىم كۇنى كەشكە بولعان. پاتەردىڭ بالكونىندا قوقىس ورتەنىپ, ءورتتىڭ اۋماعى نەبارى ءبىر شارشى مەتردى قۇراعان.

«ءورت ءسوندىرۋ بولىمشەلەرى كەلگەنگە دەيىن ءورتتى ءوتىپ بارا جاتقان ازامات – احمەتوۆ ەسىمدى تۇرعىن ءسوندىردى. ول باتىلدىق تانىتىپ, بالكونعا كىرىپ, جانعان قوقىستى جەرگە لاقتىرعان. وسى ارەكەتى ارقىلى ول ءورتتىڭ تارالۋىنا جانە ىقتيمال اۋىر زارداپتارعا جول بەرمەدى», – دەپ حابارلادى تجد.

سونىمەن قاتار, ۆەدومستۆو وكىلدەرى ەر ادامدى تجم باسشىسىنىڭ اتىنان ماراپاتتاۋعا ۇسىنعاندارىن ايتتى.