الماتىدا 22 ادامنان تۇراتىن قىلمىستىق توپ پسيحيكالىق اۋىتقۋى بار ادامدار مەن زەينەتكەرلەردىڭ ۇيلەرىن ءوز اتىنا راسىمدەپ, اقشاسىن ءبولىپ العان

فوتو: Stan.kz

الماتىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا اتىشۋلى ءىس بويىنشا تىڭداۋلار باستالدى. سوتتا ايىپتالۋشى رەتىندە 22 ادام وتىر. ولاردىڭ اراسىندا پسيحيكالىق دەنساۋلىق ورتالىعىنىڭ بۇرىنعى ءبولىم باسشىلارى, قۇقىق قورعاۋ ورگاندارىنىڭ بۇرىنعى قىزمەتكەرلەرى, نوتاريۋستار, ريەلتورلار جانە قايتا قىلمىس جاساعاندار بار. بۇگىنگى قارالىمعا Stan.kz ءتىلشىسى قاتىسىپ, جابىرلەنۋشىنىڭ تۋىسى مەن ادۆوكاتتان بارلىق ءمان-جايدى سۇراپ ءبىلدى.

«زەينەتكەرلەردى نەمەسە بوس تۇرعان پاتەرلەردى تاۋىپ ساتقان»

مەملەكەتتىك ايىپتاۋشىنىڭ ايتۋىنشا, ءىس قىلمىستىق كودەكستەگى 12 باپ بويىنشا, 37 ەپيزودتىق ءىس قارالىپ جاتىر. الايدا كەيبىر سوت وتىرىستارى عانا الماتى پسيحيكالىق دەنساۋلىق ورتالىعىنىڭ (حالىق اراسىندا «كابلۋكوۆاداعى پسيحياتريالىق اۋرۋحانا») دارىگەرلەرىنىڭ قاتىسۋىمەن ءوتىپ جاتىر.

قىلمىستىق ىستە سوتتالۋشىلار جالعىزباستى زەينەتكەرلەردى نەمەسە بوس تۇرعان پاتەرلەردى تاۋىپ, ولاردى جوندەۋدەن وتكىزىپ, ارزانداتىلعان باعامەن ساتقان. بۇگىن سوتتا ايىپتالۋشىلار – نوتاريۋس پەن ونىڭ دوسىنان جاۋاپ الىندى. ولارعا الاياقتىق جاسادى دەگەن ايىپ تاعىلىپ وتىر. نوتاريۋس ونىڭ دوسىمەن وسى سحەما ارقىلى جۇمىس ىستەگەنىن ايتتى. كۇدىكتىلەر بوس جانە قاراۋسىز قالعان پاتەرلەردى تاۋىپ, قۇجاتتارىن راسىمدەپ, ولاردى ساتىپ, سودان كەيىن اقشانى ءوزارا ءبولىستى.

«سحەمانى ر ەسىمدى ەر ادام ۇسىندى. اۋەل باستا ول ءبارىن ۇيىمداستىرىپ, 2 جىل بويى بوس تۇرعان پاتەردى تاپقانىن ايتتى. كەيىن بۇل پاتەر ساتىلعان سوڭ 12 ميلليون تەڭگە اقشانى ءوزارا ءبولىسىپ الدىق», – دەدى م ەسىمدى جاۋاپكەر نوتاريۋس.

سونىمەن قاتار سوتتا ر ەسىمدى تاكسي جۇرگىزۋشىسىنەن جاۋاپ الىندى. ەر ادام قاراۋسىز قالعان پاتەرلەردى تاۋىپ, كەيىن نوتاريۋسپەن بىرگە ساتىپ جىبەرگەنىن راستادى.

بوس پاتەرلەردى قالاي ءبىلىپ, باسپانا الۋ ءۇشىن قۇجاتتاردىڭ تۇپنۇسقاسىن قالاي العاندارىن ايتپادى. كوپ ەپيزودتىڭ ءبىرى تۋرالى جابىرلەنۋشىنىڭ تۋىسى ايتىپ بەردى. تاتيانا فيرستوۆانىڭ ايتۋىنشا, ونىڭ بۇرىنعى قايىن اتاسىنىڭ پاتەرى زاڭسىز قايتا راسىمدەلىپ, ءدال وسىلاي ساتىلعان.

«گازەتتەن ءبىر ادام قايتىس بولدى جانە ولار مۇراگەرلەردى ىزدەپ جاتىر دەگەن حابارلاندىرۋدى وقىدىق. نوتاريۋس م-عا (جاۋاپكەر) جۇگىنگەنىمدە, بۇل پاتەر جالعان مۇراگەرگە ساتىلىپ كەتكەنىن ايتتى. ول ءارى قاراي ءىستى جالعاستۋدان تۇبەگەيلى باس تارتتى. ىسكە نوتاريۋس بارلىق جولمەن ارالاسىپ, ءبىزدىڭ تۋىستارىمىزدى دالەلدەۋدى تالاپ ەتتى. ال مەن بارلىق دالەل مەن قۇجاتتاردى جيناعانىمدا نوتاريۋس قانداي دا ءبىر «وسيەتناما» بار ەكەنىن ايتتى. ول جالعان وسيەت قاعازى بولىپ شىقتى», – دەدى جابىرلەنۋشى.

“قاراۋسىز قالعان پاتەر «پريتونعا» اينالعان”

سوت وتىرىسىندا قاريا وسيەتنامانى ۇلىنىڭ قىزىنا جازىپ قالدىرعانى بەلگىلى بولدى. الايدا نەمەرەسى شەتەلدە وقۋدا بولعاندىقتان الماتىداعى زەينەتكەردىڭ ءۇيى كورشىلەرىنە سەنىپ تاپسىرىلعان. الايدا بەلگىسىز ءبىر جاعدايدا ءۇيدىڭ ەسىگى اشىق قالعان. وسىلايشا ەكى جىل قاراۋسىز قالعان پاتەر «پريتونعا» اينالعان. مۇنى بىلگەن تاكسي جۇرگىزۋشىسى الدەكىمدەردەن پاتەردىڭ بوس تۇرعانىن ەستىپ, نوتاريۋستا زاڭداستىرىپ العان كورىنەدى. بىر ايدان كەيىن بۇل ساتىپ الۋشى وسى پاتەردى تەز ساتىپ جىبەرگەن دەيدى تاتيانا فيرستوۆا.

جابىرلەنۋشى 4 جىل بويى ءىستىڭ اق-قاراسىن انىقتاۋ ءۇشىن دالەلدەر جيناپ كەلگەنىن جانە ادۆوكاتپەن تىعىز بايلانىستا بولعانىن ايتادى.

«بۇل ءىس 3 جىلدان بەرى جالعاسىپ كەلەدى. ادۆوكاتتەن ءجيى سويلەسىپ  تۇردىق. تاعى ءبىر جىلى ايعاقتار جيناۋمەن ءوتتى. 2020 جىلدىڭ باسىندا شاعىم ءتۇسىردىم. قازىر مورالدىق شىعىننان بولەك ءۇيدى ءوز اتىما زاڭداستىرىپ العىم كەلەدى. بۇل قالاداعى جاقسى اۋداردىڭ بىرىندە ورنالاسقان ەكى بولمەلى پاتەر ەدى. بۇعان دەيىن جاقسى كاپيتالدىق جوندەۋدەن وتكەن. ءبىراز ۋاقىت بويى وندا نەشە ءتۇرلى كەشتەر, ويىن-ساۋىق پەن «جەزوكشەلەردىڭ» ورتالىعىنا اينالعانى ايتىلدى. مىنە, مەندە بۇل شىم-شىتىرىق باستالماس بۇرىن ەڭ جاقسى كۇيدەگى فوتولارى بار. ولار ءۇيدى 18 ميلليونعا ساتىپ جىبەرگەن», – دەدى تاتيانا فيرستوۆا.

تاتيانا فيرستوۆا ءىس اۋداننان اۋدانعا سەگىز رەت تەرگەۋشىلەرگە بەرىلگەنىن ايتتى.

«ال تەرگەۋ بارىسىندا بۇل ىسكە قاتىستى ىستەردىڭ كوپ ەكەنى, وسى جولمەن قانشاما پاتەرلەر, قۇجاتتار ىسكە قوسىلعانى بەلگىلى بولدى. تاڭعالارلىعى, تەرگەۋ بارىسىندا كوپتەگەن پاتەردىڭ قۇجاتتارى وسىلايشا قولدان جاسالعانى, بۇل ۇيىمداسقان قىلمىستىق توپ ەكەنى جانە ءبىزدىڭ ءىستىڭ بارلىق قاتىسۋشىلارىنىڭ باسقا دا ىستەرگە قاتىسى بار ەكەنى انىقتالدى. اتامىز جالعىز تۇردى, بىراق كوپ جىلدار بويى جانىندا كۇتۋشىلەرى بولدى. وعان كۇتىم جاساۋشىلار ۇناماسا, ءجيى اۋىستىرىپ تۇراتىن. مەنىڭ ويىمشا, كۇتۋشىلىرىنىڭ ءبىرىنىڭ وسى ىسكە قاتىسى بار. سەبەبى سوتتالۋشى ول ءۇيدىڭ كىلتىن قايدان الادى? ويتكەنى ولار قاريانىڭ تاماعىن ازىرلەپ, تازالىقتى رەتتەپ جۇرەتىن. اجەمىز 2015 جىلى قايتىس بولىپ كەتتى. ال اتامىز 2020 جىلى كوز جۇمدى. ءبىز شەتەلدە بولعاندىقتان سوڭعى ساپارعا سول جەردەگى كۇتۋشىلەردىڭ ءبىرى شىعارىپ سالدى. جالپى ايتقاندا, پاتەردىڭ ناعىز يەسى – اجەمىز لاريسا گۋبانوۆا بولعان», – دەدى جابىرلەنۋشى.

سوتتالۋشىلار ۇيىمداسقان قىلمىستىق توپقا قاتىسى بار, الاياقتىق جاسادى, ءتىپتى ادام ۇرلادى دەپ ايىپتالىپ وتىر. ايتا كەتەيىك, ءىس بويىنشا ايىپتالۋشى دارىگەرلەردەن ءالى جاۋاپ الىنعان جوق. ءىس كولەمدى, ونى قاراۋ ۇزاق مەرزىمگە سوزىلادى دەگەن كۇدىك بار.

“قاجەتسىز كۋاگەرلەردىڭ كوزىن قۇرتىپ وتىرعان”

بۇعان دەيىن قوعام قىلمىستىق ءىس سوتتا قارالا باستاعانىن وتباسى جانە مۇراگەرلىك قۇقىق بويىنشا ماماندانعان زاڭگەر رەنات قادىروۆتىڭ جەلىدەگى جازباسىنان ءبىلدى. ول «ۇيىمداسقان قىلمىستىق توپ ون جىلعا جۋىق ۋاقىت بويى جۇيەلى تۇردە پسيحيكالىق ناۋقاستاردى ۇرلاپ, باس بوستاندىعىنان جانە مۇلكىنەن ايىرعانىن» ايتتى.

«ۇيىمداسقان قىلمىستىق توپ سحەماسىنىڭ اشكەرەلەنۋى قوعامدى ءدۇر سىلكىندىردى. ولار الداۋ جانە سەنىمگە قيانات جاساۋ ارقىلى اسا ءىرى كولەمدەگى قىلمىستاردى جاساعان. م ۇلىكتى جىمقىرۋ ماقساتىن ويلاعان قىلمىستىق توپ جان-جاقتى ويلاستىرىلعان جوسپار قۇرعان. ولار ۇرلانعان پسيحيكالىق اۋىتقۋى بار ناۋقاستاردى جىلجىمايتىن م ۇلىكتى زاڭسىز تىركەۋ ءۇشىن «قۋىرشاق» رەتىندە پايدالانعان. ولاردىڭ ارەكەتىنە مىنا ءىس ايقىن مىسال بولادى. توپ پسيحيكالىق اۋرۋ ايەلدىڭ قايتىس بولعان اجەسىنە تيەسىلى جىلجىمايتىن م ۇلىكتى, ونىڭ اتىنا ۋاقىتشا, رەسمي جانە زاڭسىز راسىمدەپ العان», – دەپ جازدى رەنات قادىروۆ.

زاڭگەردىڭ سوزىنشە, بۇل توپ وزدەرىنىڭ «قولدان جاسالعان» نوتاريۋستارىن پايدالانا وتىرىپ, دۇنيە-مۇلكىن الدەكىمدەردىڭ اتىنا تىركەگەن. وسىلايشا ولاردىڭ ءىزىن جاسىرىپ, قىلمىستىق ارەكەتتەرىن زاڭداستىرعان. بۇل ولارعا قۇقىق قورعاۋ ورگاندارىنىڭ كۇدىگىن تۋدىرماي, جىلجىمايتىن م ۇلىكتى باقىلاۋعا الىپ, بيلىك ەتۋگە مۇمكىندىك بەرىپ وتىردى. قىلمىستىق توپقا 22 ادام كىرگەن: دارىگەرلەر, نوتاريۋستار جانە بۇرىن سوتتى بولعاندار. دارىگەرلەر ۇرلىقتى جۇزەگە اسىرۋ ءۇشىن كاسىبي ءبىلىمى مەن پاتسيەنتتەردىڭ قولجەتىمدى بولىپ تۇرعانىن پايدالانعان. ال نوتاريۋستار زاڭدى قورعاۋدى قامتاماسىز ەتكەن. ءسويتىپ بۇرىن قىلمىس جاساعاندار ماجبۇرلەۋشى رەتىندە ارەكەت ەتىپ, جابىرلەنۋشىلەردى فيزيكالىق تۇردە ۇستاپ, قاجەتسىز كۋاگەرلەردىڭ كوزىن قۇرتىپ وتىرعان. توپتىڭ قىلمىستىق ارەكەتتەرى تەك م ۇلىكتى ۇرلاۋمەن شەكتەلگەن جوق. قىلمىستىق ارەكەتتەرى بارىسىندا ولار راستالعان ەكى كىسى ءولتىرۋ قىلمىسىن جاسادى. بۇل كىسى ولتىرۋلەر ىزدەردى جاسىرۋعا جانە ىقتيمال كۋاگەرلەردى قورقىتۋعا باعىتتالعان.