جاڭالىقتار
الماتىدا 28 زاڭسىز نىسان بۇزىلدى
الماتىدا بىلتىردان باستاپ تالاپ قويۋ قىزمەتىنىڭ ناتيجەسىندە 28 زاڭسىز نىسان بۇزىلدى,
ونىڭ ىشىندە بيزنەس-ورتالىقتار, مەيرامحانالار, اۆتوسەرۆيستەر مەن تۇرعىن ءۇي كەشەندەرى بار. بۇل تۋرالى اكىمدىكتىڭ ءباسپاسوز قىزمەتى حابارلادى. ال قالا قۇرىلىسىن باقىلاۋ باسقارماسى جىل باسىنان بەرى 377 جوسپاردان تىس تەكسەرۋ جۇرگىزىپ, سالىنىپ جاتقان نىساندارداعى زاڭبۇزۋشىلىقتاردى جويۋعا 211 ۇيعارىم بەرگەن. 2022 جىلى قالا ءماسليحاتى قۇرىلىس رەگلامەنتتەرىن ىسكە اسىرۋ جوسپارىنا وزگەرىستەر ەنگىزدى. ناتيجەسىندە بەتكەيلەرى 15 گرادۋستان اساتىن ۋچاسكەلەردە قۇرىلىسقا تىيىم سالىندى.
ودان وزگە الاتاۋ بوكتەرىندەگى 4 مىڭ گەكتاردان استام جەردى رەكرەاتسيالىق ايماققا اۋىستىرۋ تۋرالى شەشىم شىقتى. اكىمدىك الماتىدا قۇرىلىس سالاسىندا ءتارتىپ ورناتۋ ءۇشىن كەشەندى جۇمىس جالعاساتىنىن جەتكىزدى.
