ALMATYDA 28 ZAŃSYZ NYSAN BUZYLDY

Almatyda byltyrdan bastap talap qoıý qyzmetiniń nátıjesinde 28 zańsyz nysan buzyldy,

Onyń ishinde bıznes-ortalyqtar, meıramhanalar, avtoservıster men turǵyn úı keshenderi bar. Bul týraly ákimdiktiń baspasóz qyzmeti habarlady. Al qala qurylysyn baqylaý basqarmasy jyl basynan beri 377 jospardan tys tekserý júrgizip, salynyp jatqan nysandardaǵy zańbuzýshylyqtardy joıýǵa 211 uıǵarym bergen. 2022 jyly qala máslıhaty qurylys reglamentterin iske asyrý josparyna ózgerister engizdi. Nátıjesinde betkeıleri 15 gradýstan asatyn ýchaskelerde qurylysqa tyıym salyndy.

Odan ózge Alataý bókterindegi 4 myń gektardan astam jerdi rekreaııalyq aımaqqa aýystyrý týraly sheshim shyqty. Ákimdik Almatyda qurylys salasynda tártip ornatý úshin keshendi jumys jalǵasatynyn jetkizdi.