Almatyda 50 Cent-tiń kepkasyn qaǵyp alǵan jigit 80 mln teńgeden bas tartty

Foto: stan.kz

Kepka ýaqyt óte kele óz qunyn arttyrady, – deıdi ol.

2023 jyldyń qarashasynda Almatyda ótken 50 Cent-tiń The Final Lap Tour álemdik týrynyń bir konertinde bolǵan erekshe jaǵdaı medıa men áleýmettik jelilerde keńinen talqylandy. Konert barysynda reper kepkasyn kórermenderge laqtyryp, ony Darhan esimdi jas jigit qaǵyp aldy. Sol kezde kepka qyzý talqylanyp, oǵan 20 mıllıon teńge, kólik jáne páter usynǵandar bolǵan. Bul týraly Tengri Life portaly habarlady.

Darhannyń aıtýynsha, kepkaǵa qatysty talqylaýlar báseńdegenmen, ony satyp alýǵa usynystar áli de túsip jatyr. Eń iri usynys byltyr bir bıznesmennen kelgen. Ol kepka úshin 80 mıllıon teńge usynǵan.

Bir jigit maǵan TikTok arqyly usynys jasady. Onyń Qazaqstannyń bir aımaǵynda jalǵa beretin saýda ortalyǵy bar eken. Ol eger men kelissem, erteń advokat shaqyryp, ǵımaratyn satyp, kepka úshin 80 mıllıon teńge beretinin aıtty. Bul baskıim týraly shý shyǵa bastaǵan kezde bolǵan. Men bas tarttym, «Aqymaq bolma, ne úshin kerek?» dedim. Ony bul oıdan bas tartýǵa kóndirdim. «Bul tek kepka ǵoı, kerek emes» dedim. Biraq ol tabandylyq tanytty. Men oılanyp kóremin dep ýáde berdim. Shamamen jarty jyldaı ýaqyt ótken soń ol maǵan qaıta jazyp, kepkany surady. Men áli de 40-50 mıllıon teńgege usynystar túsip jatqanyn aıtyp, onyń 80 mıllıondyq usynysy áli de kúshinde me dep suradym. Ol kepkany satyp alýdy josparlamaıtynyn, endi qyzyǵýshylyǵy joq ekenin aıtty. Men oǵan «Jaraısyń!» dedim. Árıne, ol eresek bolyp, aqylǵa kelgen sııaqty. Biz áli de baılanystamyz, ol jaǵdaıymdy surap turady, – dedi baskıim ıesi.

Kóp usynysqa qaramastan jigit kepkany ózinde qaldyrǵan. Sebebi ol úshin bul zat – ómirindegi mańyzdy sáttiń esteligi retinde erekshe qundylyqqa ıe.

Kelispedim. О́ıtkeni bul – men úshin óz aldyna bir estelik, ómirimdegi keremet sátti eske túsiretin nárse. Bul óte keremet dep oılaımyn. Aqsha týraly aıtsam, kepka ýaqyt óte kele óz qunyn arttyrady. Men – jankúıermin. Bul – jastyq shaǵymnyń esteligi. Kepka men úshin mańyzdy. Ony kez kelgen ýaqytta satýǵa bolady. Sondyqtan, ıá, bir kezderi úlken usynystar boldy. Biraq qazir men úshin bul – kóbirek estelik, sol kúnniń eskertkishi ispettes, – deıdi kepkanyń qazirgi ıesi Darhan.

Sondaı-aq ol kepkaǵa páterinde arnaıy oryn bólgenin, ony ádemi shyny qorapqa salyp qoıǵanyn aıtty. Sol arqyly árqashan sol aıtýly kúndi eske túsirip otyratynyn jetkizdi.

Darhan biraz ýaqyt buryn 50 Cent-tiń kepkasyna qoltańbasyn alý ıdeıasy paıda bolǵanyn da aıtty. Tipti, belgili qazaqstandyq reper Skrıptonıtten de qoltańba alýdy oılaǵan. Osylaısha, eki mýzykalyq ańyzben baılanysty erekshe artefakt jasaǵysy kelgen. Alaıda ýaqyt óte kele Darhan bárin sol qalpynda qaldyrýdy jón kórgen.