الماتىدا 7-قاباتتان قۇلاپ قازا تاپقان اقنار گۇلستاننىڭ ءىسى انتيكورعا وتكەن: كۇدىكتىلەر ءالى ۇستالماعان

فوتو: كوللاج Stan.kz

2024 جىلدىڭ شىلدە ايىندا 22 جاستاعى قىزدىڭ الماتىداعى تۇرعىن ۇيلەردىڭ ءبىرىنىڭ 7-قاباتىنان قۇلاپ, قازا تابۋىنا قاتىستى ءىس بويىنشا تەرگەۋ جالعاسادى, دەپ جازدى qandastar.kz

بۇل تۋرالى Stan.kz اقپارات اگەنتتىگى حابارلايدى.

مارقۇم اقنار گۇلستاننىڭ قازاسى بويىنشا ادۆوكات ينگا يمانبايدىڭ ايتۋىنشا, ءىس سىبايلاس جەمقورلىققا قارسى ءىس-قيمىل اگەنتتىگىنىڭ (انتيكور) تەرگەۋشىسىنە بەرىلگەن. انتيكور ۇلتتىق قاۋىپسىزدىك كوميتەتىنە قوسىلعاننان كەيىن تەرگەۋشىلەر قايتا اككرەديتاتسيادان ءوتۋى قاجەت بولعان.

ء«ىس جابىلعان جوق. ماتەريالدار انتيكور تەرگەۋشىسىنە بەرىلدى. اككرەديتاتسيا پروتسەسى اياقتالعان سوڭ تەرگەۋ بەلسەندى تۇردە قايتا جالعاسادى», – دەدى ادۆوكات.

سونداي-اق ادۆوكات ىسكە قاتىسى بار دەلىنگەن قىزداردىڭ قازىر قايدا ەكەنىن ايتتى.

“ولار الماتىدا. بۇعان دەيىن, ياعني ءىس ماعان وتكەنگە دەيىن ولار قىتايعا كەتىپ جۇرگەن. قازىر ولارعا ەلدەن شىقپاۋ جونىندە نۇسقاۋ بەرىلگەن”, – دەيدى ادۆوكات.

الماتى قالاسى پوليتسيا دەپارتامەنتى دە ءىستىڭ انتيكورعا جولدانعانىن راستادى.

«الماتى قالاسىنىڭ پروكۋراتۋراسىمەن قىلمىستىق ءىستىڭ باعىنىستىلىعى وزگەرتىلدى. ءىس ماتەريالدارى ودان ءارى تەرگەۋ ءۇشىن الماتى قالاسى بويىنشا سىبايلاس جەمقورلىققا قارسى ءىس-قيمىل اگەنتتىگى دەپارتامەنتىنە جولداندى», – دەلىنگەن حابارلامادا.

ءىستىڭ ءمان-جايىن ءبىلۋ ءۇشىن سىبايلاس جەمقورلىققا قارسى ءىس-قيمىل اگەنتتىگىنە سۇراتىم حات جولدادىق.

ايتا كەتەيىك, بۇعان دەيىن الماتىدا تەرەزەدەن قۇلاپ قازا تاپقان 22 جاستاعى قىزدىڭ اناسى ادىلدىك سۇراعانىن جازعان ەدىك. مارقۇم اقنار قاميتوۆانىڭ اناسىنىڭ ايتۋىنشا, قىزى وزدىگىنەن قۇلاعان جوق. ونى ەكى قۇربىسى تىرناعى مەن ساۋساعىن ج ۇلىپ, ازاپتاپ ولتىرگەن. كەيىننەن اقنار گۇلستاننىڭولىمىنە قاتىستى تاعى ءبىر نۇسقا ايتىلىپ, ونىڭ جىگىتىمەن جانجالداسقانى ايتىلدى.