Almatyda 7-qabattan qulap qaza tapqan Aqnár Gúlstannyń isi Antıkorǵa ótken: Kúdiktiler áli ustalmaǵan

Foto: Kollaj Stan.kz

2024 jyldyń shilde aıynda 22 jastaǵy qyzdyń Almatydaǵy turǵyn úılerdiń biriniń 7-qabatynan qulap, qaza tabýyna qatysty is boıynsha tergeý jalǵasady, dep jazdy qandastar.kz

Bul týraly Stan.kz aqparat agenttigi habarlaıdy.

Marqum Aqnár Gúlstannyń qazasy boıynsha advokat Inga Imanbaıdyń aıtýynsha, is Sybaılas jemqorlyqqa qarsy is-qımyl agenttiginiń (Antıkor) tergeýshisine berilgen. Antıkor Ulttyq qaýipsizdik komıtetine qosylǵannan keıin tergeýshiler qaıta akkredıtaııadan ótýi qajet bolǵan.

«Is jabylǵan joq. Materıaldar Antıkor tergeýshisine berildi. Akkredıtaııa proesi aıaqtalǵan soń tergeý belsendi túrde qaıta jalǵasady», – dedi advokat.

Sondaı-aq advokat iske qatysy bar delingen qyzdardyń qazir qaıda ekenin aıtty.

“Olar Almatyda. Buǵan deıin, ıaǵnı is maǵan ótkenge deıin olar Qytaıǵa ketip júrgen. Qazir olarǵa elden shyqpaý jóninde nusqaý berilgen”, – deıdi advokat.

Almaty qalasy polıııa departamenti de istiń Antıkorǵa joldanǵanyn rastady.

«Almaty qalasynyń prokýratýrasymen qylmystyq istiń baǵynystylyǵy ózgertildi. Is materıaldary odan ári tergeý úshin Almaty qalasy boıynsha Sybaılas jemqorlyqqa qarsy is-qımyl agenttigi departamentine joldandy», – delingen habarlamada.

Istiń mán-jaıyn bilý úshin Sybaılas jemqorlyqqa qarsy is-qımyl agenttigine suratym hat joldadyq.

Aıta keteıik, buǵan deıin Almatyda terezeden qulap qaza tapqan 22 jastaǵy qyzdyń anasy ádildik suraǵanyn jazǵan edik. Marqum Aqnár Qamıtovanyń anasynyń aıtýynsha, qyzy ózdiginen qulaǵan joq. Ony eki qurbysy tyrnaǵy men saýsaǵyn julyp, azaptap óltirgen. Keıinnen Aqnár Gúlstannyńólimine qatysty taǵy bir nusqa aıtylyp, onyń jigitimen janjaldasqany aıtyldy.