ءبىلىم
الماتىدا 85 جاستاعى تالاپكەر ۇبت تاپسىرۋعا كەلدى
فوتو: Instagram.com/testcenterkz
الماتى قالاسىندا وتكەن تامىز ايىنداعى ۇبت-عا ەرەكشە قاتىسۋشى كەلدى. 85 جاستاعى نۇريحان اپا جاستىق شاعىنان بەرى قول جەتپەگەن ارمانىن ورىنداپ, ۋنيۆەرسيتەتكە ءتۇسۋ ءۇشىن ۇبت تاپسىرىپ كورۋدى ۇيعارعان. بۇل تۋرالى Stan.kz اقپارات اگەنتتىگى حابارلايدى.
ۇلتتىق تەستىلەۋ ورتالىعى تاراتقان مالىمەت بويىنشا, نۇريحان اپا بار عۇمىرىن بالا تاربيەسىنە ارناپ, جوعارى ءبىلىم الا الماعان. بيىل اق جاۋلىقتى انا وقۋعا ءتۇسۋ ءۇشىن تەست تاپسىرىپ كورۋگە بەل بۋىپتى. جاقىندارىنىڭ قولداۋىمەن ول ۇبت-عا تىركەلىپ, كوپتەن كۇتكەن ساتكە جەتتى.
«تەستىلەۋ كۇنى بالالارى دەمەۋشى بولىپ جانىنان تابىلدى. ەمتيحان باستالار الدىندا نۇريحان اپا تالاپكەرلەرگە اق باتاسىن بەرىپ, «وقۋ مەن بىلىمگە ۇمتىلۋ – ەشقاشان كەش ەمەس» ەكەنىن جۇرەكجاردى تىلەگىمەن جەتكىزدى. بۇل جولى كومپيۋتەرمەن جۇمىس ىستەۋ داعدىسىنىڭ جوقتىعى تەست تاپسىرۋعا كەدەرگى بولدى», – دەلىنگەن تەستىلەۋ ورتالىعى حابارلاماسىندا.
