Almatyda 85 jastaǵy talapker UBT tapsyrýǵa keldi

Foto: Instagram.com/testcenterkz

Almaty qalasynda ótken tamyz aıyndaǵy UBT-ǵa erekshe qatysýshy keldi. 85 jastaǵy Nurıhan apa jastyq shaǵynan beri qol jetpegen armanyn oryndap, ýnıversıtetke túsý úshin UBT tapsyryp kórýdi uıǵarǵan. Bul týraly Stan.kz aqparat agenttigi habarlaıdy.

Ulttyq testileý ortalyǵy taratqan málimet boıynsha, Nurıhan apa bar ǵumyryn bala tárbıesine arnap, joǵary bilim ala almaǵan. Bıyl aq jaýlyqty ana oqýǵa túsý úshin test tapsyryp kórýge bel býypty. Jaqyndarynyń qoldaýymen ol UBT-ǵa tirkelip, kópten kútken sátke jetti.

«Testileý kúni balalary demeýshi bolyp janynan tabyldy. Emtıhan bastalar aldynda Nurıhan apa talapkerlerge aq batasyn berip, «Oqý men bilimge umtylý – eshqashan kesh emes» ekenin júrekjardy tilegimen jetkizdi. Bul joly kompıýtermen jumys isteý daǵdysynyń joqtyǵy test tapsyrýǵa kedergi boldy», – delingen testileý ortalyǵy habarlamasynda.