Almatyda áıel ápkesiniń úıin ıemdený úshin ony jáne balasyn óltirdi dep aıyptaldy

Foto: stan.kz

18 qazan kúni Almatyda psıhıkalyq densaýlyq ortalyǵynyń burynǵy bólim basshylary, quqyq qorǵaý organdarynyń burynǵy qyzmetkerleri, notarıýstar, rıeltorlar jáne qaıta qylmys jasaǵandardyń qatysýymen sot otyrysy ótti. Bul qaralymda zeınetker Emma Kondratevna Dolgovanyń úıin zańsyz ıemdený jáne ony qasaqana óltirý isi boıynsha 8 adam kýágerlik etti, dep jazady qandastar.kz  Stan.kz-ke silteme jasap habarlaıdy.

«Meniń ornyma bárin sheship qoıǵan edi»

Marqum Emma Dolgova aýyrmaı turyp onyń úıin A.Mınskaıa men burynǵy kúıeýi jalǵa alyp turǵan. Erli-zaıypty kóship ketkennen keıin de zeınetkermen jaqsy qarym-qatynas quryp, túrli otbasylyq merekelerde tóbe kórsetip júrgen. Otbasynyń jaqyn adamyna aınalǵan olar Dolgovanyń bir ýaqytta tósek tartyp, aýyr halde jatqanyn biledi. Osy ýaqytta zeınetkerdiń densaýlyǵyna qaraıtyn kómekshi retinde Dolgovanyń ápkesiniń qyzy Irına Gapparova keledi. Sol sátten bastap Irına jubaılardy áıelge jaqyndatpaýǵa tyrasady.

«Emma Kondratevna buǵan deıin aqsha aıyrbastaý ornynda qyzmet istegen. Árqashan qomaqty qarjy jınap júretin. Depozıtte 4 mıllıonnan asa aqsham bar dedi. Atyndaǵy eki úıdiń bireýin týǵan ulyna jáne qaıtys bolyp ketken ulynyń qyzyna muragerlikke jazyp beremin dep otyratyn. О́kinishke qaraı, sol kezdiń ózinde uly Evgenıı Kalının qatty mastyqqa salynyp ketken edi. Al ol kezde nemere qyzy áli kámelet jasqa tolmady. Bir kúni Emma Kondratevnanyń aqshasy joǵalyp ketti. Ol dárethanaǵa kirip ketken kezde 100 myń teńge bolǵan. Shyqqan kezde 80 myń teńge ǵana qalyp, 20 myń teńge jetpeı turǵan. Sol kezde Gapparova bul aqshany Evgenıı Kalının urlady dep aıtqan. Alaıda Evgenıı mas kúıde júrse de, eshqashan bir tıyn da almaǵan. Ol aqshany urlamaǵan», – dedi kýáger Mınskaıa.

Mınskaıaǵa Dolgova qatty aýyryp turǵanyn aıtyp habarlasqan. Olardyń úıge shuǵyl túrde jetýin ótingen. Aýyryp turǵanyna qaramastan otbasylyq dosyna bir derekti aıtyp úlgergen.

«Ol maǵan qazir densaýlyǵynyń nasharlap ketkenin aıtty. Sol kezde men odan «Siz muragerlikke qatysty ósıet jazdyńyz ba? dep suradym. Ol maǵan «Qazir eshnárse qolymnan kelmeıdi. Bárin meniń ornyma sheshim qoıdy» dep jaýap berdi. Muny meniń burynǵy kúıeýim de estigen, kýáger bolǵan. Sol kezde zeınetkerdiń janynda Gapparova bolatyn. Ol sol áıeldiń atyn aqyryn atady. Onyń jaǵdaıy kúnnen-kúnge nasharlaı berdi. О́t joly aýrýy asqyna tústi. Sońǵy kúnderi oǵan barǵanymda ol tek sol jaǵynda jatatyn, astyna jaıma tóselip, qasynda bir shelek turatyn. Onyń ót joly aýyryp, qusa beretin. Ony sońǵy ret kórgenimde tipti sóıleı de almaıtyn», – dedi otbasylyq dosy Mınskaıa.

Foto: Stan.kz / kýáger Mınskaıa jáne Sergeev

Mınskaıanyń aıtýynsha, sol kúni jubaıy ekeýi jedel-járdem qyzmetin shaqyrǵan. Biraq Gapparova qarsy shyǵyp, olardy qandaı da bir aqyly emhanaǵa aparǵan. Sol jerdegiler egde tartqan áıeldi aýrýhanaǵa jatqyzýdyń qajeti joq, tek ambýlatorııalyq em jetkilikti dep aıtty.

Mınskaıanyń kúıeýi Sergeev te sot otyrysynda kýáger boldy. Sot talqylaýynda ekeýiniń sózi de bir jerden shyqty. Er adamnyń aıtýynsha, Dolgovany jerlegen kezde áıeldiń moınyna jáne basyna aq matany túıinshek sekildi orap qoıǵanyn baıqaǵan.

«Emma Dolgova ekinshi ret qatty aýyrǵan kezde bizdi Gapparova úıge kirgizbeı, qýyp shyqty. Sol kezde ony aýrýhanaǵa jatqyzǵymyz keldi. Alaıda ol qarsy shyǵyp, bizdiń zeınetkerge esh týystyq jaqyndyǵymyz joq ekenin alǵa tartty. Budan keıin ol otbasymen aralaspaı kettik. Biraq jerleý rásimine bizdi shaqyrdy. Sol ýaqytta qarııanyń óz ólimimen ólmegenin sezgendeı boldyq», – dedi kýáger Sergeev.

«Gapparova ápkesiniń óliminen keıin úıdi birden satylymǵa qoıǵan»

Is qaraýynda Dolgova kóz jumbaı turyp, úıdi Irına Gapparovaǵa rásimdep bergeni týraly aıtyldy. О́limniń artyn sýytpaı Gapparova birneshe aıda qos páterdi satylymǵa qoıǵan. Páterler Qazybek bı jáne Súleımenov kóshelerinde ornalasqan. Qazybek bı kóshesindegi úı satylǵansha, Gapparova týysqan sińlisine úıdegi mysyqtardy qaraı tur dep ótinish tastaǵan. Búgingi sotta sol Gapparovanyń ápkesiniń qyzy jáne Núsipovanyń qyzy kýágerlik etti. Ekeýi de úıde ýaqytsha turǵanyn aıtady.

«Iá, maǵan sonda tur dep ótinish bildirgen. Bul usynys tikeleı Irına Gapparovadan emes, anam arqyly kelgen. Onda ıt te, mysyq ta boldy. It pen zattarǵa qarap turdym. Basynda baryp-kelip júrdim, keıin sol jerde turdym», – dedi nemere sińlisi.

Foto: Stan.kz / Gapparovanyń týǵan ápkesiniń qyzy jáne nemere qyzy

Sonymen qatar otyrys barysynda nemere sińlisi Gapparova ony qaladaǵy «Medıınalyq-psıhologııalyq máseleler ortalyǵy» mamandandyrylǵan aýrýhanasynda bos oryn bar ekenin aıtyp, qyzmetke ornalasý úshin suhbattan ótýge shaqyrǵan. Alaıda nemere sińlisi «feldsher» mamandyǵy boıynsha orta bilimi bolǵandyqtan bas dáriger ony jumysqa qabyldamaǵan kórinedi.

Budan keıin Gapparovanyń sińlileri Qazybek bı kóshesindegi úıdi áldekimder satyp alǵanyn biledi. Sebebi úıdiń jańa ıesi páterge kelip, úıde basqa bireýler turyp jatqanyna tańdanady. Olar baratyn jeri joq ekenin aıtyp, aıyna 93 myń teńge tólep turýdy ótinedi. Biraz ýaqyt ótken soń olar úıdi bosatady. Sotta osy úıdiń qazirgi ıesi Bektenov te sóz sóıledi.

Onyń aıtýynsha, áýel basta, Gapparovamen ony ortaq dosy tanystyrǵan. Keıin Gapparova Bektenovten 8 mıllıon teńge qaryz surap, Qazybek bı kóshesindegi úıdi kepilge qoıǵan. Kepilhatty Sultanbekov esimdi notarıýs zańdastyryp bergen. Arada 6 aı ýaqyt ótken soń Gapparova Bektenovke qaryzdy qaıtarady. Budan birneshe apta ótken soń Gapparova oǵan úıdi satyp alý týraly usynys tastaıdy. Eshnárse joǵaltpaıtynyn bilgen kásipker Bektenov úıdi 15 mıllıonǵa satyp alady.

Foto: Stan.kz / Úıdi aldanyp, satyp alǵandar kýágerlik etti

Al Súleımenov kóshesindegi ekinshi úı 18 mıllıon 500 myńǵa satylady. Qazir osy úıdiń ıesi bul úıdi alý úshin nesıege belshesinen batqanyn, sondyqtan ózin jábirlenýshilerdiń biri retinde qosýyn talap etti.

Sýdıa Bolatov proeske jerleý agenttiginiń dırektoryn kýágerlik etýge shaqyrdy.

“Gapparova jeke sot-medıınalyq sarapshysyn shaqyrǵan”

Natalıa esimdi dırektor, jerleý kezinde eshqandaı qastandyq izderin baıqamaǵanyn eskertti. Sebebi ol qandaı da bir olqylyqty baıqap, seziktengen jaǵdaıda polıııany shaqyrýǵa múddeli ekenin atap ótti. Biraq otyrys barysynda ol Gapparovanyń ótinishimen, ólimdi tirkeý úshin aýrýhana qyzmetkerlerin shaqyrýdyń ornyna, jeke sot medıınalyq ekspertine habarlasqanyn aıtyp qaldy. Al sarapshy Kolesnıkov Gapparovanyń tanysy bolyp shyǵady.

Sýdıa Bolatov osy kezde jerleý qyzmetiniń basshysyna suraq qoıdy.

«Siz agent retinde jaqsy bilesiz. Adamdy jerleý kezinde onyń ólimine baılanysty medıınalyq qorytyndynyń bar ekenine kóz jetkizý kerek, solaı ma? Sarapshydan ólimniń sebebi týraly qorytyndy alynýy qajet. Demek siz Gapparovanyń ótinishi boıynsha keldińiz, meniń mynadaı suraǵym bar: Nege siz, bul sizdiń mindetińizge kirmese de, sot-medıınalyq sarapshyny shaqyrdyńyz?» – dedi sýdıa.

Jaqsy. Sizge Gapparova polıklınıkamen qıyndyqtar bolýy múmkin ekenin aıtty, solaı ma?
– Iá.

– Bul sizdi alańdatpady ma?

– Joq.

– Nege?

«Sebebi qazirgi kezde bul 50 de 50 jaǵdaı. Adamdar óz týystaryna… Ol birinshi emes, sońǵy da emes. Búginde meniń adamdarymnyń jartysy sot-medıınalyq sarapshylardy úıge shaqyrýdy ótinedi. Sebebi emhanamen másele bolyp ketedi. Aýrýhanalar bizge qazir anyqtama bergisi kelmeıdi, ne basqa bir sebeptermen bermeıdi. Sol ǵana. Bul sırek jaǵdaı emes, Kolesnıkov basqalarǵa da jıi barady», – dep jaýap berdi jerleý qyzmetiniń dırektory Natalıa.

Foto: Stan.kz / Jerleý agenttiginiń dırektory

Jábirlenýshiniń nemeresi Eleonoradan istiń mán-jaıyn surap kórdik. Onyń aıtýynsha, Gapparova ony jaqtyrmaǵan. Týysqandaryna onyń artynan jala japqanyn aıtady. Dolgovanyń nemere qyzy ájesi kóz jumar aldynda Gapparovanyń 7 jyl boıy joq bolyp ketkenin eske aldy.

“Ol ákemniń aǵasy Evgenııdi de óltirip ketti”

«Ájem buǵan deıin múldem aýyrmaǵan edi. Gapparova oqıǵadan buryn ǵana, 7 jyldan keıin paıda bola qaldy. Sodan keıin ájem kúrt aýyryp qaldy. Sol kezde ájemiz eshnárse aıta almady. Ájemdi emdeteıin dep barǵan kezde úıde bolǵan Tatıana men Gapparova meni kirgizbeı qoıdy. Alyp ketýime kedergi keltirdi. Ájemdi óltirgenderdiń qatań jazalanǵanyn qalaımyn. Ádildik saltanat qursyn dep tileımin. Sebebi ol ákemniń aǵasy Evgenııdi de óltirip ketti», – dedi jábirlenýshi.

Al jábirlenýshi taraptyń advokaty Oksana Býrıaktyń bastapqyda túsirgen aryzyn polıııa qabyldamaı qoıǵan. Keıin kúdiktiler onyń basqa da alaıaqtyq iske qatysy bolǵandyqtan tergeý barysyna qosypty.

«Eleonora ájesi kóz jumǵanda endi kámeletke tolǵan edi. Sol kezde ol maǵan kómekke júgindi. Ájesiniń denesin úıden shyǵaryp jatqan kezde ony sol jerden shyǵaryp jiberdi. «Sen munda eshkim emessiń» dep aıtty. Osy jaǵdaıǵa baılanysty biz oǵan kómektesemiz dep sheshim qabyldadyq. О́ıtkeni ol quqyqtyq qorǵanysqa muqtaj boldy», – dedi advokat Oksana Býrıak.

Polıııa Gapparova degen aıyptalýshyny taýyp, oǵan qajet qujattardy, atap aıtqanda, muragerlik isterdi júrgizý úshin ósıet jáne senimhat usyndy.

«Bizdi alańdatqan jaıt ósıet 2020 jyldyń 9 qyrkúıeginde rásimdelgen. Al ol kezde Dolgova óz qolymen qol qoıa almaıtyn edi. Onda Gapparova qol qoıýshy men kýáger retinde aıyptalýshylardyń biri boldy. Kelesi kúni, qandaı ekeni belgisiz ájesi muragerlik isterdi júrgizý úshin senimhatty Gapparovaǵa jazyp bergeni týraly aıtyldy. Irına Gapparovanyń barlyq epızodqa qatysy bar. Aıyptaý aktisine sáıkes, ol negizinen uıymdasqan qylmystyq toptyń (OPG) uıymdastyrýshysy retinde kúdikke ilindi. Saraptama nátıjesinde marqumnyń denesine eksgýmaııa jasalyp, qylǵyndyryp óltirilgeni týraly anyqtaldy», – dedi jábirlenýshiniń advokaty.

Memlekettik aıyptaýshynyń aıtýynsha, is Qylmystyq kodekstegi 12 bap boıynsha, 37 epızodtyq is qaralyp jatyr.

Eske salaıyq, buǵan deıin uıymdasqan qylmystyq top ózderiniń «qoldan jasalǵan» notarıýstaryn paıdalana otyryp, dúnıe-múlkin áldekimderdiń atyna tirkegenin jazdyq. Osylaısha olardyń izin jasyryp, qylmystyq áreketterin zańdastyrǵan. Bul olarǵa quqyq qorǵaý organdarynyń kúdigin týdyrmaı, jyljymaıtyn múlikti baqylaýǵa alyp, bılik etýge múmkindik berip otyrdy. Qylmystyq topqa 22 adam kirgen: dárigerler, notarıýstar jáne buryn sotty bolǵandar. Dárigerler urlyqty júzege asyrý úshin kásibı bilimi men paıentterdiń qoljetimdi bolyp turǵanyn paıdalanǵan. Al notarıýstar zańdy qorǵaýdy qamtamasyz etken. Sóıtip buryn qylmys jasaǵandar májbúrleýshi retinde áreket etip, jábirlenýshilerdi fızıkalyq túrde ustap, qajetsiz kýágerlerdiń kózin qurtyp otyrǵan. Toptyń qylmystyq áreketteri tek múlikti urlaýmen shektelgen joq. Qylmystyq áreketteri barysynda olar rastalǵan eki kisi óltirý qylmysyn jasady. Bul kisi óltirýler izderdi jasyrýǵa jáne yqtımal kýágerlerdi qorqytýǵa baǵyttalǵan.