Almatyda AQSh konsýldyǵy salynbaq

Foto:akımat Almaty

Májilis depýtattary Almaty qalasynda AQSh konsýldyq mekemesiniń ǵımaratyn salý úshin AQSh úkimetine jer telimin jalǵa berý týraly Qazaqstan-Amerıka úkimetaralyq kelisimin ratıfıkaııalady. Qujatqa 2024 jyldyń 27 qyrkúıeginde Nıý-Iork qalasynda qol qoıylǵan, dep jazdy qandastar.kz

Sharttyń erejeleri jer ýchaskesin berý tártibi men sharttaryn anyqtaıdy. Onyń aýdany – 70593 sharshy metr, jaldaý merzimi – 49 jyl. Jaldaý aqysy 25,3 mıllıon AQSh dollaryn quraıdy jáne kelisim engizilgen kúnnen bastap kúntizbelik 30 (otyz) kún ishinde biryńǵaı tólemmen tólenetin bolady.

Kelisimge sáıkes AQSh úkimeti jaldaý aqysyn qospaǵanda, jer ýchaskesi men konsýldyq ǵımaratyna salyqtar men basqa tólemderdi tóleýden bosatylady. Bul rette ol konsýldyq ǵımaratynyń qurylysyna baılanysty kommýnaldyq qyzmetterdi Qazaqstanda qoldanystaǵy normatıvter men tarıfterge sáıkes tóleı otyryp, ǵımaratty kútip-ustaýǵa jáne jóndeýge jumsalǵan shyǵystardy derbes tóleýge mindetteledi.

Ǵımaratty salý jáne jabdyqtaý úshin AQSh-ta óndirilgen materıaldardy, jabdyqtar men taýarlardy paıdalana alatyn AQSh merdigeri bas merdiger bolady. Olar kedendik tólemderden, ımport salyqtarynan jáne ruqsat alý talaptarynan bosatylady.