Almatyda altynshy mamandandyrylǵan HQK ortalyǵy ashyldy

Almatyda kúnine 6000 qyzmet kórsetetin mamandandyrylǵan halyqqa qyzmet kórsetý ortalyǵy ashyldy.

Jańa avto HQO qaladaǵy basqa mamandandyrylǵan halyqqa qyzmet kórsetý ortalyqtarynyń  júktemesin azaıtyp, qyzmetterdiń sapaly ári jyldam kórsetilýine múmkindik beredi.

«Biz almatylyqtardyń ótinishin eskerip, avto HQO-daǵy qyzmet alýshylardyń kóptigine baılanysty problemany sheshý úshin osy óńirde taǵy eki avto HQO ashyp otyrmyz. Elimizdegi eń úlken avtobazar Almatyda, ózge oblys ortalyǵynyń kólik ıeleri de osynda qujattaryn jasatyp, satyp alǵan kólikterin qaıta tirkep jatady.

Jańa ortalyq olarǵa avtoqyzmetterdi alý retin jeńildetedi», – deıdi «Azamattarǵa arnalǵan úkimet» memlekettik korporaııasynyń  basqarma tóraıymy Ásemgúl Baltasheva.  №6 mamandandyrylǵan  HQO Almaty qalasynyń Kemel shaǵyn aýdany, Aqsýat kóshesi 118 mekenjaıynda  ashyldy.

Ortalyqtyń jalpy aýmaǵy  1000 sharshy metr. Ortalyqta 30 qyzmet ústeli bar, qosymsha ózine-ózi qyzmet kórsetý zaly qarastyrylǵan. Ortalyqtaǵy kútý zaly 200 orynǵa arnalǵan. 300  kólikke arnalǵan avtoturaq jumys isteıdi. Jańa ortalyq №1 jáne №2 avto HQO júktemesin 30 % azaıtady.

«Aıta  keteıik, elimizdiń barlyq oblysynda mamandandyrylǵan HQO jumys isteıdi. Kólik ıeleri onda júrgizýshi kýálikterin aýystyryp, kólikterin qaıta tirkeýge qoıyp, júrgizýshi kýáligin alý úshin emtıhan tapsyra alady. Alǵashqy eki qyzmetti avto HQO-ǵa barmaı-aq, onlaın alýǵa bolatynyn da eskertemiz. Ol úshin kólik ıesiniń elektrondy ıfrlyq qoltańbasy bolý kerek», – dedi «Azamattarǵa arnalǵan úkimet» memlekettik korporaııasynyń  basqarma tóraıymy Ásemgúl Baltasheva.

Derekkóz: inform.kz/