جاڭالىقتار
الماتىدا اناسى قايتىس بولعان بالاسىنىڭ ەمىنە اقشا جيناعان
فوتو: polisia.kz
الماتى وبلىسىندا الاياق قايتىس بولعان بالانىڭ ەمىنە اقشا جيناعان, دەپ حابارلايدى qandastar.kz
ارنايى وپەراتسيا اياسىندا قىلمىستىق سحەمالارعا قاتىسى بار كۇدىكتىلەر ۇستالدى. ءبىرىنشى جاعدايدا قوناەۆ قالاسىنىڭ 31 جاستاعى تۇرعىنى ازاماتتاردىڭ سەنىمىنە كىرىپ, زاڭسىز تۇردە قارجىلىق پايدا تاپقان.
سونداي-اق ونىڭ تاعى ءبىر ورەسكەل ىسكە قاتىسى بار ەكەنى انىقتالدى – بالاعا ەمگە قاراجات جيناۋ سىلتاۋىمەن ادامداردى الداعان.
ەكىنشى جاعدايدا 26 جاستاعى ەر ادام ءوزىن جۇك تاسىمالداۋشى رەتىندە تانىستىرىپ, تاۋاردى جەتكىزەمىن دەگەن ۋادەمەن 180 مىڭ تەڭگەنى يەمدەنىپ كەتكەن.
«بارلىق فاكتىلەر بويىنشا قىلمىستىق ىستەر قوزعالىپ, تەرگەۋ امالدارى جۇرگىزىلۋدە. قۇقىق قورعاۋشىلار كۇدىكتىلەردىڭ باسقا الاياقتىق ارەكەتتەرگە قاتىستىلىعىن تەكسەرۋدە. “ANTI-FRAUD” وپەراتسياسى جالعاسۋدا, ال پوليتسيا ازاماتتاردى ساقتىق تانىتىپ, الاياقتىق سحەمالارى تۋرالى حابارلاپ وتىرۋعا شاقىرادى», – دەپ مالىمدەدى كيبەرپوليتسيا قىزمەتكەرلەرى.
