الماتىدا اسكەري بولىمشەدەن سارباز قاشىپ كەتكەن

27 ماۋسىمدا اسكەري قىزمەتكەر الماتىداعى بولىمشەدەن قاشىپ كەتتى. جەرگىلىكتى پوليتسيا ونى ۇستاپ, اسكەريلەرگە تاپسىردى, دەپ حابارلادى Qandastar.kz سايتى Stan.kz اقپارات اگەنتتىگى  سىلتەمە جاساپ.

قۇقىق قورعاۋ ورگاندارى ونىڭ قىزمەتتىك مىندەتتەرىن نەلىكتەن تاستاپ, بەلگىسىز باعىتقا كەتكەنىن انىقتاپ جاتىر.

جىگىت 2025 جىلدىڭ ءساۋىر ايىندا ەكىباستۇز قالاسىنان اسكەر قاتارىنا شاقىرىلعان. الماتى قالاسىنداعى 61993 اسكەري بولىمىندە بورىشىن وتەگەن.

23 ماۋسىمدا ون جاۋىنگەردەن تۇراتىن جۇمىس توبىمەن بىرگە ورتالىق سپورت كلۋبىنا جىبەرىلدى. ول كەشكى سەگىزدەر شاماسىندا اسكەري بولىمگە ورالۋى كەرەك ەدى. الايدا ول بەلگىلەنگەن ۋاقىتتا كەلمەي, باقىلاۋ كامەرالارى ساعات 17:21-دە تسسكا بەكەتىنەن جالعىز شىققانىن كورسەتتى.

ىزدەۋ دەرەۋ باستالىپ, ءبىر كۇننەن كەيىن اسكەري قىزمەتكەر سەمەيدە ۇستالدى.

قازىر اسكەري پوليتسيا تەرگەۋ جۇرگىزىپ جاتىر. ونىڭ قورىتىندىسى بويىنشا قاشقىننىڭ ارەكەتىنە قۇقىقتىق باعا بەرىلەدى.