جاڭالىقتار
الماتىدا اتتراكتسيوننان سەكىرگەن ايەل قايتىس بولعانعا دەيىن قىزىن تۇنشىقتىرىپ ءولتىردى
فوتو:2gis.kz
الماتىداعى ورتالىق دەمالىس ساياباعىندا اتتراكتسيوننان سەكىرگەن ايەل ءوز-وزىنە قول جۇمساماس بۇرىن قىزىن ۇيدە تۇنشىقتىرىپ ولتىرگەن. الماتى وبلىسىنىڭ پوليتسيا دەپارتامەنتى قىزدىڭ قايتىس بولعانى تۋرالى اقپاراتتى راستادى.
«كامەلەتكە تولماعاننىڭ قايتىس بولۋ فاكتىسى بويىنشا تەرگەۋ جۇرگىزىلۋدە. تەرگەۋ مۇددەسى ءۇشىن وزگە دە اقپارات جاريا ەتىلمەيدى», – دەپ حابارلادى ۆەدومستۆودا.
سونداي-اق, قايتىس بولعان انانىڭ الماتى وبلىسىنىڭ ىلە اۋدانىندا تۇرعانى حابارلاندى.
ەستەرىڭىزگە سالا كەتەيىك, دۇيسەنبى, 24 ماۋسىمدا الماتىدا ايەل اتتراكتسيوننان قۇلادى دەگەن اقپارات جاريالاندى. وقيعا تۋرالى الەۋمەتتىك جەلىلەردە كۋاگەرلەر ايتىپ, وقيعا ورنىنان بەينەجازبالار جىبەردى. قالالىق دەنساۋلىق ساقتاۋ باسقارماسى زارداپ شەككەن ادام جەدەل مەديتسينالىق كومەك كەلگەنگە دەيىن قايتىس بولعانىن حابارلادى.
