الماتىدا اۋەجاي قىزمەتكەرىن كەپىلگە العان كۇدىكتى بۇعان دەيىن دە ءىستى بولعان

فوتو: اشىق دەرەككوز

الماتى اۋەجايىنىڭ قىزمەتكەرىن كەپىلگە العان ەر ادام بۇعان دەيىن دە ءىستى بولعان. بىلتىر اۆتوبۋستا جانجال شىعارىپ, جولاۋشى ايەلدى ۇرعان. سوت ونى ءبىر جىلعا باس بوستاندىعىن شەكتەگەن, دەپ جازدى qandastar.kz

بۇل اقپاراتتى قالالىق پوليتسيا دەپارتامەنتى راستاپ وتىر. ايتا كەتەيىك, اۋەجايداعى وقيعا بۇگىن تۇسكە تاياۋ ىشكى رەيستەر تەرمينالىندا بولدى.  وقىس وقيعا ساعات 12:00 شاماسىندا بولدى.

پىشاق ۇستاعان ەر ادام تارتىپكە باعىنباي, قۇجات سۇراعان اۋەجاي قىزمەتەرىنە پىشاق كەزەنىپ, قورقىتادى. جانجال بولعان ساتتە دەرەۋ پوليتسيا قىزمتكەرلەرى جەتەدى. بىراق كۇدىكتى ولارعا باعىنبايدى. وسى جاعدايدى باقىلاعان قالا تۇرعىنى 52 جاستاعى مۇسا ءابدىرايىم ب ۇلىكشىنى مامىلەگە شاقىرادى.

قىزدىڭ ورنىنا كەپىلگە ءوزىن الۋدى ايتادى. ومىرىنە قاۋىپ تونگەنىنە قاراماستان باتىلدىق تانىتىپ, ەر كىسىنىڭ قولىنان پىشاقتى تارتىپ الادى. مۇسا ءابدىرايىم, الماتى قالاسىنىڭ تۇرعىنى: — ءوزىمنىڭ قىز بالاسىنىڭ الدىنداعى پارىزىم دەپ ەسەپتەدىم. قىز بالانىڭ شىرىلداعان داۋىسىن ەستىگەندە جان تۇرشىگىپ, قالاي دا سول قىزدى شەتكە الۋ ماقسات بولدى.

باسقا ەشقانداي وي بولعان جوق. وقيعاعا قاتىستى ەر ادامنىڭ ۇستىنەن قىلمىستىق كودەكستىڭ 293-بابى «سۋىق قارۋدى قولدانا وتىرىپ جاسالعان بۇزاقىلىق» بويىنشا قىلمىستىق ءىس قوزعالدى. رۋسلان قوزىباقوۆ, الماتى قالاسى اۋەجايىنداعى جەلىلىك پوليتسيا ءبولىمىنىڭ باستىعى:

— الماتى قالاسى كولىكتەگى پد قالالىق اۋەجايدىڭ جەرگىلىتى پوليتسيا بولىمىنە جەتكىزىلدى. قازىرگى تاڭدا سوتقا دەيىنگى تەرگەپ-تەكسەرۋ ارەكەتتەرى ءجۇرىپ جاتىر. ۋاقىتشا ۇستاۋ يزولياتورىنا قىلمىسكەر اشەرەلەندى. بەلگىلى بولعانداي قىلمىسقا قارسى كەلگەن  مۇسا ءابدىرايىم الماتىدا پاتەر جالداپ تۇرادى ەكەن. كوپبالالى اكە جەكە شارۋامەن اينالىسادى. ال كەپىلگە الىنعان اۋەجاي قىزمەتكەرى ءدىن امان.

وعان پسيحولوگيالىق كومەك كورسەتىلىپ جاتىر. اۋەجايدىڭ قاۋىپسىزدىك قىزمەتى وقيعا ۇشۋ الدىنداعى تەكسەرۋ ايماعىنا دەيىن بولعانىن العا تارتادى. سوندىقتان ب ۇلىكشىنىڭ پىشاقتى قالاي الىپ كىرگەندىگىنەن بەيحابار.

ۆيكتور گولۋبەۆ, اۋەجايدىڭ اۆياتسيالىق قاۋىپسىزدىك قىزمەتىنىڭ باسشىسى: — اۆياتسيالىق قاۋىپسىزدىك قىزمەتىنىڭ ماقساتى — قارۋ اسىنعان قاۋىپتى جولاۋشىلاردى  باقىلاۋ ايماعى مەن اۋە بورتىنا  جولاتپاۋ. وسىنداي وقيعا بولعان كەزدە ارەكەت ەتۋدىڭ الگوريتمى بار. قىزمەتكەرلەرىمىز سول ەرەجەنى ۇستاندى.

اۋەجايدا ب ۇلىك شىعارعان 67 جاستاعى ەر ادام بۇعان دەيىن دە بۇزاقىلىق جاساعان. بۇنى قالالىق پوليتسيا دەپارتامەنتى راستاپ وتىر. ول وتكەن جىلى قاراشا ايىندا قالاداعى قوعامدىق كولىكتە ايەلمەن  ۇرىسىپ, قول جۇمسايدى. سوت ەر ادامدى ءبىر جىلعا باس بوستاندىعىن شەكتەۋ جازاسىنا كەسكەن بولاتىن.