Almatyda avtobýsqa tapanshamen kirgen er adam jurtty shoshytty

Foto: ashyq derekkóz

Áleýmettik jelide Almatyda avtobýstardyń birinde qart adamnyń qolynda tapanshaǵa uqsas zatty ustap turǵany kórinetin vıdeo tarady, – dep habarlaıdy Qandastar.kz Massaget.kz tilshisine silteme jasap.

Vıdeoda er adamnyń myltyqty bir qolynan ekinshi qolyna aýystyryp jatqanyn kórýge bolady, sodan keıin ol shyǵýǵa qaraı bet alady. Vıdeo avtorynyń málimetinshe, oqıǵa №106 marshrýt boıynsha júretin avtobýsta bolǵan.

Jeli qoldanýshylarynyń pikiri ekige bólindi: keıbireýler muny ázil retinde qabyldady, al basqalary qaýiptilik baryna alańdaýshylyq bildirdi.

Almaty polıııa departamenti er adamnyń ustalǵanyn habarlady.

«Áleýmettik jelilerdi monıtorıngteý barysynda qoǵamdyq kólikke tapansha ustaǵan er adamnyń mingeni anyqtaldy. Jedel áreket etý barysynda qatysýshynyń jeke basy anyqtaldy. Ol ustalyp, polıııaǵa jetkizildi. Er adam kúzetshi bolyp jumys isteıtinin, tapanshanyń oıynshyq ekenin, ony qala bazarlarynyń birinen satyp alǵanyn túsindirdi», – dep atap ótti polıııa departamentiniń baspasóz qyzmeti.

Sondaı-aq vedomstvo talqylaý jalǵasyp jatqanyn jáne qatysýshynyń is-áreketine quqyqtyq baǵa beriletinin alǵa tartty.