جاڭالىقتار
الماتىدا بالالار بالاباقشانىڭ شاتىرىنا شىققان
فوتو: سكرين
الەۋمەتتىك جەلىدە ەكى بالانىڭ تەرەزەدەگى توردان ءوتىپ, جەكەمەنشىك بالاباقشانىڭ شاتىرىنا شىعىپ العان ۆيدەوسى تارادى, دەپ حابارلايدى qandastar.kz
تاربيەشىلەردىڭ قاراۋىنسىز قالعان بالالار تەرەزەدەن شىعىپ, شاتىردا ارى-بەرى جۇرگەنىن كۋاگەرلەر كورىپ, ۆيدەوعا ءتۇسىرىپ العان. بولعان جاعدايعا قاتىستى پوليتسيا تۇسىنىكتەمە بەردى.
“پوليتسيا قىزمەتكەرلەرى بالالاردىڭ قاۋىپسىزدىگىن قامتاماسىز ەتۋ تالاپتارىن بۇزعانى ءۇشىن مەكتەپكە دەيىنگى مەكەمە مەڭگەرۋشىسىن اكىمشىلىك جاۋاپكەرشىلىككە تارتتى. مۇنداي جاعدايلاردىڭ الدىن الۋ ءۇشىن تەرەزەلەرگە قورعانىس تورلارى مەن ارنايى بۇعاتتاعىشتار ورناتىلدى. قاۋىپسىزدىك تالاپتارىن قامتاماسىز ەتپەگەن قىزمەتكەر اتقارىپ وتىرعان قىزمەتىنەن بوساتىلدى”, – دەپ مالىمدەدى الماتى وبلىسى پوليتسيا دەپارتامەنتى.
اتالعان فاكتى بويىنشا قىزمەتتىك تەكسەرۋ جۇرگىزىلىپ جاتىر. ماتەريالدار ۋاكىلەتتى ورگاندارعا جولداندى.
