جاڭالىقتار
الماتىدا بويجەتكەندى ۇرىپ, زورلاپ, اۋلاسىنا اكەلىپ تاستاعان
فوتو: اشىق دەرەككوز
بويجەتكەن جۇمىسىنان شىققاننان كەيىن ۇيىنە ورالماعان, دەپ جازدى qandastar.kz
نەمولچي.kz مالىمەتىنشە, الاڭداعان جاقىندارى پوليتسياعا بارعان. سول كەزدە بويجەتكەننىڭ ءسىڭىلىسى ۇيدە بولعان. اۋلاداعى دىبىستى ەستىپ, سىرتقا شىققاندا جەردە جاتقان اپكەسىن كورگەن. اپكەسىنىڭ ءۇستى-باسى لاس, شاشى ۇيپا-تۇيپا بولعان. سوققىعا جىعىلعان. ءسىڭىلىسى ونى بىردەن دۋشقا كىرگىزگەن.
بويجەتكەننىڭ ايتۋىنشا تانىس جىگىت وعان كولا ۇسىنعان. ءبىر-ەكى ۇرتتاعاننان كەيىن ەسىن جوعالتقان. قىزدىڭ تۋىستارى ونى ءبىر جىگىت ەمەس, بىرنەشە جىگىت زورلاعان بولۋى مۇمكىن دەيدى. كۇدىكتىلەر جازادان قۇتىلىپ كەتە مە دەپ تە قورقادى. سەبەبى ءالى ساراپتاما جاسالماعان, كيىمىنەن بيوماتەريال الىنباعان.
نەمولچيKZ قورى قىزدى كەشكى ساعات سەگىزدەن تۇنگى ەكىگە دەيىن ۇستاپ, ۇرىپ-سوعىپ, زورلاعانىن ايتادى. سوعان قاراماستان قۇقىق قورعاۋ ورگانىندا دۋمان ەسىمدى جەدەل ۋاكىل بويجەتكەندى بەتپە-بەت جۇزدەستىرۋگە اكەلۋدى تالاپ ەتكەن.
