الماتىدا دجەننيفەر لوپەستىڭ كونتسەرتىنە جالعان بيلەت ساتقان الاياق قامالدى

فوتو: عالامتور

الماتى قالاسىنىڭ پوليتسياسى وتكەن جەكسەنبىدە وتكەن دجەننيفەر لوپەستىڭ كونتسەرتىنە بيلەت ساتۋ بويىنشا الاياقتىق جاسادى دەگەن كۇدىكپەن ەر ادامدى ۇستادى, دەپ حابارلايدى qandastar.kz turkystan.kz-كە سىلتەمە جاساپ.

كۇدىكتى ينتەرنەت-پلاتفورمالاردىڭ بىرىنە حابارلاندىرۋ ورنالاستىرىپ, كونتسەرتكە ەكى جالعان بيلەت ساتقان.

— “زاڭ مەن ءتارتىپ” قاعيداسى بىزدەن مۇنداي فاكتىلەرگە دەرەۋ ارەكەت ەتۋدى تالاپ ەتەدى. ازاماتتاردىڭ اقشاسىن الداۋ جولىمەن يەمدەنۋگە تىرىسقان بارلىق ادامدار انىقتالىپ, جاۋاپكەرشىلىككە تارتىلادى. مۇنداي جاعدايلاردىڭ الدىن الۋ ءۇشىن بيلەتتەردى تەك رەسمي سايتتاردان نەمەسە تەكسەرىلگەن كاسسالاردان ساتىپ الۋدى قاتاڭ تۇردە ۇسىنامىز, — دەدى الماتى قالاسى پد كيبەرقىلمىسپەن كۇرەس باسقارماسى باستىعىنىڭ ورىنباسارى ەركەبۇلان قويشىباەۆ.

الاياقتىق فاكتىسى بويىنشا قىلمىستىق ءىس قوزعالدى. كۇدىكتى قاماۋعا الىندى.