Almatyda eki aıdan asa izdeýde bolǵan qyzdyń máıiti tabyldy

Foto: vıdeodan skrın

Almatyda eki aıdan asa izdeýde bolǵan boıjetkenniń máıiti tabyldy, dep habarlaıdy qandastar.kz

Polıeılerdiń málimetinshe, ony jaqyn aralasqan 19 jastaǵy jigit qylqyndyryp óltirip, denesin aıdalaǵa tastap ketken.

KTK arnasy jazǵandaı,  tergeý barysynda kúdikti óz kinásin tolyq moıyndap, marqumdy buryn nesıe alýǵa májbúrlegenin de aıtqan. Onyń sózinshe, Aısha nesıe aqshasyn qaıtarmaıtynyn aıtyp, ata-anasy men polıııaǵa shaǵymdanatynyn jetkizgen. Sol sátte kúdikti ony páterde óltirgen.

Marqumnyń qazasy Qyrbaltabaı aýylynyń jurtshylyǵyn dúr silkindirdi. Tań atysymen aýyl turǵyndary Aıshany aqtyq saparǵa shyǵaryp salýǵa jınaldy.

Marqumnyń ápkesi Ásııa Hamıttiń aıtýynsha, kúdikti jigit ony aldymen tunshyqtyryp óltirip, keıin denesin polıetılenge orap, sómkege salǵan. Sodan soń máıitti Keńsaı zıraty mańyndaǵy saıajaılardyń birine aparyp, qarǵa kómip tastaǵan.

Aısha kúdiktimen jazda TikTok jelisi arqyly tanysqan. Ol syrqat ápkesin emshige kórsetpek bolyp, áleýmettik jelide izdeý júrgizgen. Sol kezde alaıaqqa tap bolyp, onyń kómekshisi retinde júrgen kúdikti jigitpen sóılese bastaǵan.

Marqumnyń naǵashysy Tabıǵat Álibektiń aıtýynsha, 60 kelideı bolatyn máıitti jalǵyz ózi tasymaldaý kúdiktiniń qolynan kelmeıtinin eskersek, bul iske basqa da adamdardyń qatysy bolýy múmkin degen kúdik bar.

Aısha aýdandyq mektepte qazaq tili men ádebıeti pániniń muǵalimi bolyp jumys istegen. Januıasynyń negizgi asyraýshysy da ózi bolǵan.

«Buryn-sońdy eshteńege tirkelmegen, jaman júrisi joq. Betinde uıaty bar, aýzynda ımany bar myqty qyz edi», – deıdi marqumnyń jeńgesi Múlik Fatıgúlqyzy.

Qazir 19 jastaǵy kúdikti qamaýǵa alyndy. Almaty qalalyq polıııa departamentiniń resmı ókili Saltanat Ázirbektiń aıtýynsha, qylmystyq is «Adam óltirý» baby boıynsha tergelip jatyr.

Marqumnyń denesinde zorlyq belgileriniń bar-joǵy sot-medıınalyq saraptama nátıjesinde anyqtalmaq. Al qara jamylǵan otbasy qylmysqa qatysy bar ózge de adamdardyń tabylyp, laıyqty jazasyn alýyn talap etýde.