Almatyda er adam áıelin 10 ret pyshaqtap óltirgen

Foto: ashyq derekkóz

Almatyda er adam áıeline 10 ret pyshaq jaraqatyn salyp óltirdi dep aıyptalyp jatyr. Jábirlenýshiniń jaqyndarynyń sózinshe, aıyptalýshy tarap qylmys affekt jaǵdaıynda boldy dep aıtqan. Olar kináli taraptyń ádil jazalanýyn talap etedi,  – dep habarlaıdy Aikyn.kz Stan.kz-ke silteme jasap.

31 qańtarda 43 jastaǵy Ál-Beıne Zarıpovanyń máıiti úıdiń jertólesinen tabyldy. Is-materıaldary boıynsha onyń 15 jyl nekede bolǵan kúıeýi Sabyrjan Zarıpov oǵan 10 ret pyshaq jaraqatyn salyp óltirip, artynsha telefonynan óz shotyna 4 mıllıon 700 myń teńgeni aýdaryp alǵan. Sodan soń barlyq qujatty alyp, 12 jastaǵy qyzyn óz ápkesiniń úıine aparyp tastaǵan.

Jábirlenýshiniń anasy Maǵjan Baısıitovanyń sózinshe, marqum 2010 jyldan beri kúıeýinen turmystyq zorlyq-zombylyq kórgen. Únemi qyzǵaný men baqylaýdan sharshaǵan Ál-Beıne 2023 jyldyń kúzinde ajyrasýǵa bel býady. Sol jyldyń jeltoqsanynda taǵy da soqqyǵa jyǵylǵan kelinshek polıııaǵa júginip, oǵan bir aıǵa qorǵaný nusqamasy berildi. Áıel ajyrasqannan keıin qyzymen Astanaǵa kóshpek bolǵan.

“Alǵashynda aıyptalýshy ajyrasýǵa kelisimin berip, qyzymen 1 aı birge turýdy ótingen. Biraq Ál-Beıne 31 qańtarda Dýbaıdan Almatyǵa qyzyn alyp ketýge barǵanda, Sabyrjan oǵan qyzdy kórsetpeıdi. Keıin “kózime shóp saldyń” dep janjal shyǵaryp, birneshe saǵat suraqtyń astyna alǵan. О́z jaýabynda ol qylmysqa deıin Ál-Beınemen jynystyq qatynasqa túskenin aıtady. Biraq buǵan senbeımin. Sebebi qyzym odan qalaı jıirkenetinin, tipti mańyna jolaǵysy kelmeıtinin aıtqan. Demek ol ony zorlap, qorlaǵan”, – dedi Ál-Beıneniń anasy.

Marqumnyń aǵasy Erik Júsipov Ál-Beıneniń máıiti adam kórgisiz bolǵanyn jáne qylmys bolǵan jer qanǵa toly bolǵanyn aıtty.

“Ol qaryndasymyzdy azaptaǵany aıdan anyq. Sebebi birinshi betin búldirgen, túri adam kórgisiz bolyp ketken. Tiri kezinde ıntımdi jerlerin, ıaǵnı jambasyn, tósin pyshaqtap, qınaǵan. Artynsha taǵy da 4 ret et týraıtyn pyshaqpen pyshaqtaǵan, onyń júregi, ókpesi jaraqattalǵan, sońynda moınyna pyshaq suǵyp ketken. Bar kúshimen salynǵan pyshaq denesinen alynbaı qalǵan”, – dedi aǵasy.

Alǵashynda sot-medıınalyq saraptama qylmys “affekt” jaǵdaıynda boldy degen. Biraq jábirlenýshi tarap buǵan kelispeı, taǵy da saraptama taǵaıyndaǵan. Bul kezde “affekt” joqqa shyǵarylyp, kúdiktiniń qylmysty sanaly túrde, daıyndalyp jasaǵany anyqtalǵan.

Qazir olardyń 12 jastaǵy qyzy Sabyrjan Zarıpovtyń ápkesiniń qolynda eken. О́ıtkeni qylmys bolǵan soń, Sabyrjan dereý qolhat jasatyp, qyzyn sol úıge aparyp tastaǵan. 29 naýryzda Medeý aýdandyq ákimdik janyndaǵy balalardyń quqyǵyn qorǵaý komıssııasy sol ápkesiniń úıinde qaldyrýdy jón dep tanyǵan. Sebebi qyz Almatyda qalǵysy keletinin aıtqan. Al Ál-Beıneniń jaqyndary Petropavlda turady eken.

“Aıyptalýshynyń jaqyndary bizden keshirim surap, kóńil aıtpady. Tipti nemeremdi kórýge kelgen kezde jaqtyrmaı, bizge tap berýge daıyn turdy. Olardyń inisi bizdiń qyzdy emes, kerisinshe biz olardy inisinen aıyrǵandaımyz. Nemeremizdi qazir baqylaýda ustap, aralastyrmaıdy. Odan qalsa Ál-Beıneni kinálap,  ózi qyzǵandyrdy dep otyr”, – dedi marqumnyń anasy.

Jábirlenýshi taraptyń sózinshe, Ál-Beıne býhgalter bolyp jumys istep, otbasyn asyraǵan. 42 jasynda úsh páter jáne bir jer úı, kólik satyp alǵan. Al Sabyrjan úıde otyrǵan. Ári kúıeýine jeke kásipkerlik ashyp berýge kómektesken. Sózderinshe, eshqashan betine basyp, asyraýshy bolǵanyna mindetsinbegen.

Qazir Sabyrjan Zarıpov tergeý ızolıatorynda. Qylmystyq Kodekstiń 99-baby “Adam óltirý” jáne 175-baby “Urlyq” boıynsha is qozǵaldy. Alaıda jábirlenýshi tarap “Asa qatygezdikpen jasalǵan ólim” dep isti aýystyrǵysy keledi.

Baspasóz konferenııasyna Aıtbek Amangeldi de kelip, jábirlenýshi tarapqa qoldaý kórsetti.

“Ál-Beıneniń otbasy endi ony eshqashan kórmeıdi, ony qushaqtaı almaıdy, súıe almaıdy. Eshqashan endi olar tildese almaıdy, bul qaıǵyny eshkim seıilte almaıdy, munyń qanshalyqty aýyr ekenin túsinemin. Al qylmysker ómir súrýin jalǵastyrady. “Affekt” dep tanylsa, ol osyndaı sumdyq áreketi úshin 3-aq jyl túrmede otyryp shyǵady. Biz halyq bolyp munymen kúresýimiz kerek, sebebi kelesi qurban kim ekenin biz bile almaımyz”, – dedi Saltanat Núkenovanyń aǵasy, quqyq qorǵaýshy Aıtbek Amangeldi.