جاڭالىقتار
الماتىدا ەر ادام اۆتوبۋستا قارت جولاۋشىنى ۇرىپ تاستادى: پوليتسيا تەكسەرۋ جۇرگىزىپ جاتىر
الماتىدا ەر ادام ماس كۇيدە بولعان قارت جولاۋشىنى اۆتوبۋستا سوققىعا جىقتى, دەپ حابارلايدى Qandastar.kz.
كۋاگەرلەردىڭ ايتۋىنشا, توبەلەس ايالدامادا دا جالعاسقان. وقيعانىڭ ءمان-جايى داۋلى. ەر ادامنىڭ ايەلى جۋرناليستەرگە ولاردىڭ اۆتوبۋستا كۇيەۋىنىڭ قارىنداسىمەن بىرگە كەلە جاتقانىن ايتقان. سول كەزدە ماس قارت جولاۋشى بالاعا تيىسە باستاعان. بۇعان اشۋلانعان ەر ادام ونى ۇرىپ جىبەرگەن. الماتى پوليتسياسى كۇدىكتىنىڭ جەكە باسى انىقتالىپ, ۇستالعانىن راستادى.
«قازىرگى ۋاقىتتا وقيعانىڭ بارلىق ءمان-جايى, سونىڭ ىشىندە جابىرلەنۋشىنىڭ قايدا ەكەنى انىقتالۋدا. تەكسەرۋ ناتيجەسى بويىنشا قۇقىقتىق باعا بەرىلەدى», — دەپ حابارلادى پد.
وقيعاعا قاتىستى تەرگەۋ جالعاسۋدا.
