الماتىدا ەر ادام كولىگىن ورتەپ, ودان كەيىن وزىنە ءورت قويدى

پوليتسەيلەر 33 جاستاعى ەر ادامنىڭ ءومىرىن قۇتقارىپ قالدى. وقيعا 1 قازاندا الماتىدا تۇركسىب اۋدانىنداعى ايىپ تۇراعىندا بولدى, دەپ حابارلايدى qandastar.kz Stan.kz سايتىنا سىلتەمە جاساپ.

الماتى پوليتسيا دەپارتامەنتىنىڭ ءباسپاسوز قىزمەتىنىڭ مالىمەتىنشە, ساعات 13:10-دا ارنايى پاترۋلدىك پوليتسيا باتالونىنىڭ ەكيپاجى Subaru ماركالى كولىكتى توقتاتقان.

كولىك يەسىنىڭ تولەنبەگەن ايىپپۇلدارىنىڭ جالپى سوماسى – 1 ميلليون 300 مىڭ تەڭگە. سونىمەن قاتار جۇرگىزۋشىنىڭ مىندەتتى ساقتاندىرۋ ءپوليسى بولماعان.

مۇنداي جاعدايدا كولىك ارنايى ايىپ تۇراعىنا قويىلۋى كەرەك ەكەنى اتاپ ءوتىلدى.

 «كورسەتىلگەن راسىمدەردى تىركەۋ كەزىندە جۇرگىزۋشى كولىگىنەن بەنزين الىپ شىعىپ, كولىكتى دە, ءوزىن دە بەنزين قۇيىپ, ورتەپ جىبەردى. پوليتسيا قىزمەتكەرلەرى ەر ادامدى قۇتقارۋ ءۇشىن شۇعىل شارالار قابىلدادى. ولار ءورت سوندىرگىشپەن جانە قولدا بار قۇرالدارمەن ءورتتى ءسوندىردى. جۇرگىزۋشى شۇعىل تۇردە اۋرۋحاناعا جەتكىزىلدى», – دەدى جەرگىلىكتى پوليتسيا قىزمەتى باسقارماسىنىڭ باسشىسى سەرىك شۋماەۆ.

كولىكتى سوندىرۋگە پوليتسەيلەر مەن وقيعا كۋاگەرلەرى قاتىسقان.