Almatyda er adam kóligin órtep, odan keıin ózine órt qoıdy

Polıeıler 33 jastaǵy er adamnyń ómirin qutqaryp qaldy. Oqıǵa 1 qazanda Almatyda Túrksib aýdanyndaǵy aıyp turaǵynda boldy, dep habarlaıdy qandastar.kz Stan.kz saıtyna silteme jasap.

Almaty polıııa departamentiniń baspasóz qyzmetiniń málimetinshe, saǵat 13:10-da arnaıy patrýldik polıııa batalonynyń ekıpajy Subaru markaly kólikti toqtatqan.

Kólik ıesiniń tólenbegen aıyppuldarynyń jalpy somasy – 1 mıllıon 300 myń teńge. Sonymen qatar júrgizýshiniń mindetti saqtandyrý polısi bolmaǵan.

Mundaı jaǵdaıda kólik arnaıy aıyp turaǵyna qoıylýy kerek ekeni atap ótildi.

 «Kórsetilgen rásimderdi tirkeý kezinde júrgizýshi kóliginen benzın alyp shyǵyp, kólikti de, ózin de benzın quıyp, órtep jiberdi. Polıııa qyzmetkerleri er adamdy qutqarý úshin shuǵyl sharalar qabyldady. Olar órt sóndirgishpen jáne qolda bar quraldarmen órtti sóndirdi. Júrgizýshi shuǵyl túrde aýrýhanaǵa jetkizildi», – dedi jergilikti polıııa qyzmeti basqarmasynyń basshysy Serik Shýmaev.

Kólikti sóndirýge polıeıler men oqıǵa kýágerleri qatysqan.