الماتىدا ەر ادام قىزدى تاپا-تال تۇستە سوققىعا جىققان

فوتو: ۆيدەودان سكرين

جەلىدە الماتىدا قىزدى اياۋسىز سوققىعا جىققان ەر ادامنىڭ ۆيدەوسى تارادى, – دەپ حابارلايدى Massaget.kz تىلشىسى.

وقيعا بۇگىن تۇستەن كەيىن قالا ورتالىعىندا بولعان جانە ۆيدەوعا ءتۇسىپ قالعان.

كادرلاردا ەر ادام بار كۇشىمەن قىزدى شاشىنان ۇستاپ تۇرعانىن كورۋگە بولادى. كۋاگەرلەر پوليتسيا شاقىرامىز دەپ قورقىتقان.

ەلدى شوشىتقان ۆيدەوعا قاتىستى الماتى پوليتسيا دەپارتامەنتىنىڭ ءباسپاسوز قىزمەتى تۇسىنىك بەردى.

المالى اۋداندىق پوليتسيا ءبولىمى ۇرىپ-سوعۋ فاكتىسى بويىنشا قىلمىستىق ءىس قوزعادى.

سونداي-اق اگرەسسورعا بۇزاقىلىق جاسادى دەگەن ايىپ تاعىلدى.

«ماس كۇيىندە بولعان كۇدىكتى ۇستالدى. سونىمەن بىرگە ول قوعامدىق ورىندا ماس كۇيىندە جۇرگەنى, ۇساق بۇزاقىلىق جاساعانى ءۇشىن جاۋاپكەرشىلىككە تارتىلدى», – دەپ حابارلادى الماتى پوليتسيا دەپارتامەنتىنىڭ ءباسپاسوز قىزمەتى.