الماتىدا ەرلى-زايىپتىنى اتىپ, قاشىپ كەتكەن كۇدىكتى قولعا ءتۇستى

فوتو: polisia.kz

الماتىدا پوليتسەيلەر بىلتىر 20 جەلتوقساندا قالانىڭ ناۋرىزباي اۋدانىنداعى تۇرعىن ءۇي كەشەندەرىنىڭ بىرىندە بولعان اسا اۋىر قىلمىستىڭ بەتىن اشتى, دەپ حابارلايدى qandastar.kz polisia.kz-كە سىلتەمە جاساپ.

قاراقشىلىق شابۋىل ارەكەتى سالدارىنان ەرلى-زايىپ تۇرعىندار اۋىر جاراقات العان. قازىر ولار اۋرۋحانادا جاتىر. بۇل قىلمىستى اشۋ ماقساتىندا جەدەل-تەرگەۋ توبى قۇرىلدى. شابۋىل جاساعان ادامنىڭ جەكە باسى انىقتالدى. بۇل – جەتىسۋ وڭىرىنەن كەلگەن 38 جاستاعى ازامات. ءبىر كۇن بۇرىن ول ۇستالىپ, قاماۋعا الىندى.

كۇدىكتى جاقىندا عانا ءوزى بارىپ جاڭا جيھازدارىن ورناتىپ بەرگەن ەرلى-زايىپتىنى توناۋدى جوسپارلاعانىن مويىندادى. سول كەزدە ول جۇمىس بەرۋشىلەردىڭ سەيفىن بايقاپ قالعان. بەتىن مەديتسينالىق بەتپەردە جانە شارفپەن جاسىرىپ, جۇما كۇنى تاڭەرتەڭ ولاردىڭ ەسىك قوڭىراۋىن باسقان. جابىرلەنۋشىلەردى تاپانشامەن قورقىتقان قاسكوي ولاردان اقشا بەرۋىن تالاپ ەتكەن. الايدا وتاعاسى كومەككە شاقىرا باستادى. وسى كەزدە كۇدىكتى ەرلى-زايىپتىنى اتىپ, قاشىپ كەتكەن.

سوتقا دەيىنگى تەرگەۋ جالعاسىپ جاتىر. قىلمىستىڭ باسقا دا ءمان-جايلارى انىقتالادى.