جاڭالىقتار
الماتىدا ەسكى ۇيلەردىڭ تۇرعىندارى جاڭا پاتەرگە كوشىرىلىپ جاتىر
الماتىدا توزىعى جەتكەن تۇرعىن ۇيلەردەن تۇرعىنداردى جايلى پاتەرلەرگە كوشىرۋ جالعاسۋدا. بۇعان دەيىن 280 ادام كوشىرىلسە, جىل سوڭىنا دەيىن تاعى 2180 ادامدى قونىستاندىرۋ جوسپارلانۋدا,-دەپ حابارلايدى Qandastar.kz
بۇل تۋرالى الماتى اكىمدىگىنىڭ ءباسپاسوز قىزمەتىنەن حابارلادى.
جاڭارتۋ باعدارلاماسى اياسىندا ادامداردىڭ ومىرىنە قاۋىپ توندىرەتىن جارامسىز ءارى توزىعى جەتكەن ۇيلەر بۇزىلادى. ولاردىڭ ورنىندا سپورت الاڭدارى, پاركينگ جانە ماڭىزدى الەۋمەتتىك نىساندارى بار زاماناۋي تۇرعىن ءۇي كەشەندەرى سالىنۋدا. باعدارلامانىڭ شارتىنا سايكەس, ەسكى تۇرعىن ءۇي يەلەرى جاڭا ۇيدەن بىردەي پاتەر الادى.
سونىمەن قاتار جاڭا پاتەر ورتا ەسەپپەن 10 شارشى مەترگە كوپ. جاڭا پاتەر يەلەرىنە قوسىمشا شارشى مەتر ءۇشىن قوسىمشا اقى تولەۋدىڭ قاجەتى جوق. پاتەرلەر تازا ارلەۋمەن بەرىلەدى. ۇيلەرگە ينتەرنەت تارتىلدى, ورتكە قارسى دابىل ورناتىلدى, سانتەحنيكا مەن فايانس, گاز نەمەسە ەلەكتر پليتاسى قاراستىرىلعان.
