Almatyda eski úılerdiń turǵyndary jańa páterge kóshirilip jatyr

Almatyda tozyǵy jetken turǵyn úılerden turǵyndardy jaıly páterlerge kóshirý jalǵasýda. Buǵan deıin 280 adam kóshirilse, jyl sońyna deıin taǵy 2180 adamdy qonystandyrý josparlanýda,-dep habarlaıdy Qandastar.kz

Bul týraly Almaty ákimdiginiń baspasóz qyzmetinen habarlady. 

Jańartý baǵdarlamasy aıasynda adamdardyń ómirine qaýip tóndiretin jaramsyz ári tozyǵy jetken úıler buzylady. Olardyń ornynda sport alańdary, parkıng jáne mańyzdy áleýmettik nysandary bar zamanaýı turǵyn úı keshenderi salynýda. Baǵdarlamanyń shartyna sáıkes, eski turǵyn úı ıeleri jańa úıden birdeı páter alady. 

Sonymen qatar jańa páter orta eseppen 10 sharshy metrge kóp. Jańa páter ıelerine qosymsha sharshy metr úshin qosymsha aqy tóleýdiń qajeti joq. Páterler taza árleýmen beriledi. Úılerge ınternet tartyldy, órtke qarsy dabyl ornatyldy, santehnıka men faıans, gaz nemese elektr plıtasy qarastyrylǵan.