جاڭالىقتار
الماتىدا «عىلىم جانە تەحنولوگيالىق ساياسات تۋرالى» زاڭ جوباسى تالقىلاندى
عىلىم مەن تەحنولوگيانى ۇشتاستىرۋ كەرەك. ساراپشىلاردىڭ ايتۋىنشا, بىرقاتار ماسەلەنى ەسكەرگەن ءجون. اتاپ ايتقاندا, عىلىمي ينفراقۇرىلىمدى جاقسارتىپ, تەحنوپاركتەر جەلىسىن دامىتۋ قاجەت. الماتىدا «عىلىم جانە تەحنولوگيالىق ساياسات تۋرالى» زاڭ جوباسى تالقىلاۋ بارىسىندا وسىنداي ۇسىنىستار ايتىلدى. جيىنعا پارلامەنت ءماجىلىسى جانىنداعى قوعامدىق پالاتانىڭ مۇشەلەرى مەن عالىمدار قاتىسىپ, ويلارىن ورتاعا سالدى. عالىم مارتەبەسىنە باسا ءمان بەرۋ قاجەتتىگىن دە اتاپ ءوتتى. سونىمەن قاتار عىلىمي زەرتتەۋلەر قارجىدان تاپشىلىق كورمەۋى ءتيىس. ايدوس سارىم, قر پارلامەنتى ءماجىلىسىنىڭ دەپۋتاتى: — شىن مانىندە عىلىم-ءبىلىم سالاسىنا, ءبىزدىڭ عىلىمنىڭ باسەكەگە قابىلەتتى بولۋىنا قاتىستى الداعى 10 جىلدا, 20 جىلدا, عىلىمدى ورگە دومالاتاتىن زاڭ جوباسىن جاساپ شىعۋ. ەڭ باستى ناتيجە ءبىزدىڭ عىلىم سالاسىنا بايلانىستى جاڭا ينستيتۋت قۇرىلىپ جاتىر. عىلىم اكادەمياسى بار. ونىڭ ساپاسى, ونىڭ جالپى عىلىم سالاسىنا جاۋاپتى مەكەمە بولادى نەمەسە عىلىمي گرانتتار بويىنشا باسقالار بويىنشا كوپتەگەن وزگەرىستەر بار.
