Almatyda halyqaralyq etno-mádenı festıvali ótedi

Almaty qalasy ákimdiginiń qoldaýymen 2-3 qyrkúıek kúnderi Boraldaı saq qorǵandarynda «Uly dala – kóshpendiler álemi» halyqaralyq etno-mádenı festıvali ótedi, dep habarlaıdy “Adyrna” ulttyq portaly. 

Qala kúnine oraılastyrylǵan festıval «Almaty – Shanhaı yntymaqtastyq uıymynyń mádenı jáne týrıstik astanasy» jobasy aıasynda ótedi.

Baǵdarlamada 10-nan astam kóshpeli halyqtardyń salt-dástúri, ádet-ǵuryptary, ulttyq oıyndary, mádenı muralary usynylady.

Sondaı aq, shet eldik jáne qazaqstandyq shabandozdardyń túrli ónerleri, úzdik etnomýzykanttardyń ánderi, qolónershilerdiń sheberlik sabaqtary kórsetiledi.

Aıta keteıik, kirý tegin. Bastalý ýaqyty:  10:00.

Saǵat 9 ben 18.00 aralyǵynda Saq qorǵandaryna qala ishinen arnaıy avtobýstar júredi. Ortalyq stadıon, «1-Almaty vokzaly», «N. Sa atyndaǵy balalar men jasóspirimder teatry» jáne «Alataý» dástúrli óner teatry mańynan avtobýstar qatynaıdy.