Almatyda kásipker LEGO brendiniń atyn jamylyp, balalarǵa qaýipti oıynshyq satqan

1. Foto: gov.kz

Almatyda kásipker «LEGO» taýar belgisin zańsyz paıdalanyp, kontrafaktilik ónim satqan. Bul týraly Stan.kz aqparat agenttigi habarlaıdy.

«Lego Juris A/S» kompanııasy ókiliniń ótinishi boıynsha Almatydaǵy kóterme saýda bazarlarynyń birindegi kásipkerdiń dúkeninde jospardan tys tekserý júrgizildi. Tekserý barysynda kásipkerdiń balalarǵa arnalǵan oıynshyqtarda «LEGO» taýar belgisin zańsyz paıdalanǵany anyqtaldy.

«Nátıjesinde 4 mıllıon teńgeden astam somaǵa 3 145 kontrafaktilik ónim tárkilendi. Bul oıynshyqtar zııatkerlik menshik quqyǵyn buzyp qana qoımaı, balalardyń densaýlyǵyna úlken qaýip tóndiredi. Kontrafaktilik oıynshyqtarda qaýipti hımııalyq zattardyń bolýy jáne sapasyz materıaldardan jasalýy múmkindigi zor. Bul balalardyń densaýlyǵy men qaýipsizdigine aýyr zardaptar ákelýi múmkin», — delingen ádilet mınıstrliginiń habarlamasynda.

Qazir kináli tulǵany ákimshilik jaýapkershilikke tartý boıynsha is júrgizý sharalary qabyldanýda. Istiń materıaldary kúdiktini odan ári jaýapqa tartý úshin sotqa jiberiledi