Almatyda kásipkerlerdiń záresin alǵan qylmystyq top ustaldy

Foto: ashyq derekkóz

Ishki ister mınıstrligi krımınalıtettiń bızneske qysym kórsetý faktilerin anyqtaý jáne jolyn kesý boıynsha júıeli jumysty jalǵastyrýda, dep jazdy qandastar.kz

Jedel is-sharalardyń nátıjesinde Almaty qalasynda uıymdasqan qylmysqa qarsy kúres basqarmasynyń qyzmetkerleri UQKD-men birlesip, prokýratýranyń úılestirýimen resmı emes jumyskerleri qylmystyq ortanyń ókilderi bolǵan kúzet uıymynyń quqyqqa qarsy qyzmetin joıdy.

Olar qaqtyǵys jaǵdaılar men arandatý arqyly obektilerdi basyp alýmen aınalysqan. Keıinnen olardyń «qaýipsizdigin» qamtamasyz etken. Mysaly, ótken jyldyń 23 qarashasynda fıgýranttar krımınaldyq qamqorlyq jasaý jáne yqpal etý salasyn keńeıtý maqsatynda karaoke-barǵa basyp kirip, onda mekemeniń ıesi men kúzetshilerin uryp-soqqan.

– Polıııaǵa 10 kúdikti jetkizilip, olardyń altaýy qamaýǵa alyndy. 20-dan astam izdeý is-sharasy júrgizilip, atys jáne sýyq qarý tárkilendi. Buzaqylyq pen óz betinshe bılik etýdiń birneshe faktisi boıynsha sotqa deıingi tergep-tekserý júrgizilýde. Kúdiktilerdiń osyǵan uqsas basqa da qylmystarǵa qatysy bar-joǵy tekserilýde. Atalǵan baǵyttaǵy jumys jalǵasýda, – dedi IIM uıymdasqan qylmysqa qarsy kúres departamentiniń ókili Qýandyq Alpys.