الماتىدا قىلمىستىق توپ وزدەرىن قىز رەتىندە تانىستىرىپ, جىگىتتەردى توناپ كەتكەن

فوتو:سكرين

الماتىدا ماحابباتىن تاپقىسى كەلگەن جىگىتتەر تانىسۋ سايتتارى ارقىلى الدانىپ قالعان. قىلمىسكەرلەر جاس جىگىتتەرگە وزدەرىن قىز رەتىندە تانىستىرىپ, پاتەرلەرىنە شاقىرىپ, توناپ كەتكەن, دەپ جازادى qandastar.kz
بۇل تۋرالى كتك ارناسىنا حابارلايدى. 

قىلمىستىق ءىستى ۇش ەر ادام مەن ءبىر قىز جاساعان. ولار تانىسۋ سايتىندا قىزىڭ اتىنان جىگىتتەرمەن تانىسقان. كوپ ۇزاماي ولاردى كەزدەسۋگە شاقىرعان. زارداپ شەككەندەر كەلىسىپ, كورسەتىلگەن مەكەنجايعا وزدەرى كەلگەن. جىگىتتەردى ەر ادامدار كۇتىپ الىپ اقشاسىن, تەلەفونىن جانە باعالى زاتتارىن كۇشتەپ تارتىپ العان. سوڭعى جابىرلەنۋشىدەن 700 مىڭ تەڭگە بەرۋدى تالاپ ەتكەن.

جەدەل ۋاكىلدەر ءۇش كۇدىكتىنى ۇستادى. ولار ءبارىن مويىنداپ, ولجانىڭ ءبىر بولىگىن قايتاردى. قىزدىڭ كىناسى ءالى دالەلدەنگەن جوق. پوليتسيا تۇرعىنداردى جەلىدە اباي بولىپ, ەلسىز جەرلەردە بەيتانىس ادامدارمەن كەزدەسپەۋگە شاقىردى.

ء“بىز تانىمال تانىسۋ سايتىندا جاس جىگىتپەن كەزدەسۋگە كەلىستىك. ولار مەكەنجايدى بەردى. سول مەكەنجايعا قۇربان بولۋى مۇمكىن جاس جىگىت كەلدى. وندا ءبىر قىز بار ەدى. قىلمىسكەرلەر كەلىپ: ء«بىز ونىڭ اعالارىمىز, قارىنداسىمىز كامەلەتكە تولماعان, ول نەبارى 17 جاستا. ەندى ۇرامىز, ولتىرەمىز» دەپ قورقىتتى. وسىلايشا ولار بارلىق قۇندى زاتتاردى الىپ كەتتى. ءۇش ەر ادام قاماۋعا الىندى. ولار نەبارى 20-25 جاستا”, – دەيدى الماتى قالالىق پوليتسيا دەپارتامەنتىنىڭ رەسمي وكىلى سالتانات ازىربەك.