جاڭالىقتار
الماتىدا مايىتتەردى زورلاعان كۇزەتشى قىلمىستىق جاۋاپكەرشىلىكتەن بوساتىلدى
فوتو: t.me/kozachkow
ءمايىتحانا كۇزەتشىسى بىرنەشە رەت مارقۇمداردىڭ دەنەسىن قورلادى دەپ ايىپتالدى. ونىڭ مايىتتەردىڭ جىنىس مۇشەسىن ۇستاپ, بۇل ارەكەتىن ۆيدەوعا تۇسىرگەنى انىقتالدى, دەپ جازدى qandastar.kz
ء“ىس ماتەريالدارىنا سايكەس, ب. سوزىلمالى پسيحيكالىق اۋىتقۋشىلىقپەن اۋىرادى (2024 جىلعى 24 ماۋسىمداعى سوت-پسيحياتريالىق ساراپتاماسىنىڭ قورىتىندىسى) جانە 2023 جىلعى ساۋىردەن 2023 جىلعى قازانعا دەيىنگى كەزەڭدە ءمايىتحانا عيماراتىندا بىرنەشە رەت مايىتتەردىڭ دەنەلەرىن قياناتتادى جانە ول ۇيالى تەلەفونىنا وسىنىڭ بارلىعىن ۆيدەوعا ءتۇسىرىپ العان”, – دەلىنگەن حابارلامادا.
Stan.kz حابارلاعانداي, سوت ايىپتالۋشىنى “ەسى دۇرىسى ەمەس” دەپ تاپتى. وسى سەبەپتى قىلمىسكەر قىلمىستىق جاۋاپكەرشىلىكتەن بوساتىلدى.
“قىلمىستىق كودەكستىڭ 16-بابىنىڭ (ەسى دۇرىس ەمەستىك) نەگىزىندە ب.-نى 314-باپتىڭ 2-بولىگىنىڭ 1-تارماعىندا (ولگەندەردىڭ مايىتتەرىن جانە ولاردىڭ جەرلەنگەن جەرلەرىن قورلاۋ) قىلمىستىق جاۋاپكەرشىلىكتەن بوساتىپ, ءىس بويىنشا ءىس جۇرگىزۋ توقتاتىلسىن. 91 جانە 93-باپتارعا جانە ساراپشىلاردىڭ قورىتىندىسىنا سايكەس, ەر ادامعا پسيحياتريالىق ستاتسيوناردا ماجبۇرلەپ ەمدەۋ تۇرىندەگى مەديتسينالىق شارالاردى قولدانۋ ۇسىنىلدى”, – دەدى سۋديا.
سوت ساراپتاماسى ب-نىڭ ءوز ءىس-ارەكەتىن جاساۋ كەزىندە ەسى دۇرىس بولماعانى جانە سوزىلمالى پسيحيكالىق اۋرۋىنا بايلانىستى ءوز ءىس-ارەكەتىنىڭ ءمانى مەن قوعامدىق قاۋپىن تۇسىنبەگەنى, ونى باسقارا الماعانى تۋرالى قورىتىندىعا كەلدى.
سوتتالۋشى پسيحياتريالىق ستاتسيونارعا ءماجبۇرلى تۇردە ەم الۋعا جىبەرىلدى.
بۇعان دەيىن الماتىدا مايىتتەردى زورلادى دەپ ايىپتالعان كۇزەتشىنىڭ ءىسى توقتاتىلعانەدى.
ەسكە سالساق, الماتىدا نەكروفيلياعا كۇدىكتى ازاماتتىڭ ۇستالعانى وسى جىلدىڭ ءساۋىر ايىنىڭ سوڭىندا بەلگىلى بولدى. بىرنەشە كۇننەن كەيىن ادىلەت مينيسترلىگى جاعدايعا تۇسىنىكتەمە بەرىپ, كۇدىكتىنىڭ سوت ساراپتاما ورتالىعىمەن جانە ونىڭ اۋماقتىق بولىمشەلەرىمەن ەڭبەك قاتىناسى جوق ەكەنىن مالىمدەدى. ۆەدومستۆو وكىلى ءمايىتحانادا كۇزەتشىنىڭ 2022 جانە 2023 جىلدارى تەندەردى جەڭىپ العان جەكە كومپانيادا جۇمىس ىستەگەنىن ايتتى.
