الماتىدا مەملەكەتتىك قىزمەتكەر بيزنەستى زاڭسىز تەكسەرگەنى ءۇشىن جازالاندى

مەدەۋ اۋدانىنىڭ پروكۋراتۋراسىنا الماتى قالاسى مەديتسينالىق-فارماتسەۆتيكالىق باقىلاۋ دەپارتامەنتىنىڭ زاڭسىز تەكسەرۋ ماسەلەسى بويىنشا جەكە كلينيكالاردىڭ ءبىرىنىڭ باسشىسى حابارلاستى.

انىقتالعانداي, دەپارتامەنتكە مەديتسينالىق ورتالىقتىڭ ارەكەتىنە قاتىستى ءوتىنىش كەلىپ تۇسكەن.

وسى ءوتىنىش نەگىزىندە باقىلاۋ ورگانىنىڭ قىزمەتكەرى كاسىپكەرلىك سۋبەكتىسىن تىركەپ, تەكسەرۋ جۇرگىزدى.

پروكۋراتۋرا ءوتىنىش بىلدىرگەن ازاماتتىڭ زاڭدى اتاۋى ۇقساس مۇلدە باسقا مەديتسينالىق ۇيىمنىڭ ارەكەتىنە شاعىمدانعانىن انىقتادى.

وسىعان قاراماستان مەديتسينالىق ورتالىق زاڭسىز تەكسەرۋدەن ءوتتى.

مەملەكەتتىك ورگاننىڭ ارەكەتىنىڭ زاڭسىزدىعىن ەسكەرە وتىرىپ, تەكسەرۋ اكتىسى مەن ناتيجەلەرى جويىلدى.

سونىمەن بىرگە, جەكە كاسىپكەرلىك سۋبەكتىلەرىنە تەكسەرۋ جۇرگىزۋ ءتارتىبىن بۇزعانى ءۇشىن كىنالى لاۋازىمدى تۇلعا قر «اكىمشىلىك قۇقىق بۇزۋشىلىق تۋرالى» كودەكسىنىڭ 175 باپتىڭ 1-بولىگى بويىنشا اكىمشىلىك جاۋاپكەرشىلىككە تارتىلىپ, 20 اەك مولشەرىندە ايىپپۇل سالىندى.