جاڭالىقتار
الماتىدا پوليتسيانى بوپسالاعان بلوگەر ۇستالدى
فوتو: اشىق دەرەككوز
الماتىدا بوپسالاۋ كۇدىگىمەن ءوزىن بلوگەر رەتىندە تانىستىرعان ەر ادام ۇستالدى, دەپ حابارلايدى qandastar.kz
قالالىق پوليتسيا دەپارتامەنتىنىڭ ءباسپاسوز قىزمەتى 37 جاستاعى قازاقستاندىق جابىرلەنۋشىدەن 700 مىڭ تەڭگە تالاپ ەتكەنىن, بولماسا ءوزى تۇسىرگەن ۆيدەونى الەۋمەتتىك جەلىگە سالاتىنىن ايتىپ, ونى قورقىتقانىن ناقتىلايدى.
«كۇدىكتى 6 جەلتوقساندا كەشكە قولما-قول اقشا الۋ كەزىندە ۇستالدى. ارنايى وپەراتسياعا ۇيىمداسقان قىلمىسقا قارسى كۇرەس, سونداي-اق وزىندىك قاۋىپسىزدىگى باسقارماسى قىزمەتكەرلەرى قاتىستى», – دەدى پوليتسياداعىلار.
كۇدىكتىنىڭ جانىندا, ياعني كولىك ىشىندە تاعى ەكى كۇدىكتى بولعان. بلوگەردىڭ كومەكشىلەرى قىلمىسقا قاتىسقان دەپ كورسەتىلەدى. ولاردىڭ ءىس-ارەكەتتەرىنە الدا قۇقىقتىق باعا بەرىلەدى. بلوگەر ۋاقىتشا ۇستاۋ يزولياتورىنا قامالدى.
