الماتىدا رەكەتيرلەر بانداسى ۇستالدى

ۆەدومستۆو مالىمەتىنشە, 27 مامىردا الماتى وبلىسى پد ۇيىمداسقان قىلمىسقا قارسى كۇرەس باسقارماسىنا الماتى مەن ءوڭىر بازارلارىندا كاسىپكەرلەردەن «قامقورلىق جاعانى» ءۇشىن اقشالاي قاراجات بوپسالايتىن قىلمىستىق توپ جۇمىس ىستەيتىنى تۋرالى اقپارات كەلىپ تۇسكەن.

زارداپ شەككەندەردىڭ ءبىرى, الماتى وبلىسىنىڭ 47 جاستاعى تۇرعىنى پوليتسيا قىزمەتكەرلەرىنە 13 مامىردا قاراساي اۋدانىندا ءبىر توپ ادام كۇش قولدانىپ, 3,5 ميلليون تەڭگە سوماسىندا اقشاسىن يەمدەنگەنىن ايتتى.

«25 شىلدەدە پد ۇققكب قىزمەتكەرلەرى الماتى وبلىسى بويىنشا ۇقكد-مەن بىرلەسىپ, ءوڭىر پروكۋراتۋراسىنىڭ ۇيلەستىرۋىمەن 31-36 جاس ارالىعىنداعى ەر ادامداردى انىقتاپ, ۇستادى», – دەدى الماتى وبلىسى پد ۇققكب باستىعى دۋلات قايىرباەۆ.

كۇدىكتىلەر ۋاقىتشا ۇستاۋ يزولياتورىنا قامالعان. ولاردىڭ وسىعان ۇقساس باسقا دا قىلمىستارعا قاتىستىلىعى انىقتالىپ جاتىر.