Jańalyqtar
Almatyda reketırler bandasy ustaldy
Foto: vıdeo kadrynan
Almaty oblysy PD Uıymdasqan qylmysqa qarsy kúres basqarmasynyń qyzmetkerleri Almaty bazarlarynda reketpen aınalysqandardy ustady, – dep habarlaıdy Tengrinews.kz tilshisi.
Vedomstvo málimetinshe, 27 mamyrda Almaty oblysy PD Uıymdasqan qylmysqa qarsy kúres basqarmasyna Almaty men óńir bazarlarynda kásipkerlerden «qamqorlyq jaǵany» úshin aqshalaı qarajat bopsalaıtyn qylmystyq top jumys isteıtini týraly aqparat kelip túsken.
Zardap shekkenderdiń biri, Almaty oblysynyń 47 jastaǵy turǵyny polıııa qyzmetkerlerine 13 mamyrda Qarasaı aýdanynda bir top adam kúsh qoldanyp, 3,5 mıllıon teńge somasynda aqshasyn ıemdengenin aıtty.
«25 shildede PD UQQKB qyzmetkerleri Almaty oblysy boıynsha UQKD-men birlesip, óńir prokýratýrasynyń úılestirýimen 31-36 jas aralyǵyndaǵy er adamdardy anyqtap, ustady», – dedi Almaty oblysy PD UQQKB bastyǵy Dýlat Qaıyrbaev.
Kúdiktiler ýaqytsha ustaý ızolıatoryna qamalǵan. Olardyń osyǵan uqsas basqa da qylmystarǵa qatystylyǵy anyqtalyp jatyr.
