الماتىدا رەسەيلىك تولقۇجاتپەن قىرعىزستاندىق ۇستالدى

قازاقستانعا بەلارۋستان رەسەي ازاماتىنىڭ تولقۇجاتىمەن كىرمەك بولعان قىرعىزستاندىق ۇستالدى, دەپ حابارلايدى قازاقپارات قر ۇقك ءباسپاسوز قىزمەتىنە سىلتەمە جاساپ. الماتى شەكارالىق باقىلاۋ وتريادىنىڭ شەكارا ناريادى «مينسك – الماتى» باعىتىمەن ۇشىپ كەلگەن № ۆ2-767 وپك اۋە رەيسىن رەسىمدەۋ بارىسىندا 1990 جىلعى رەسەي ازاماتىنىڭ تولقۇجاتىن ۇسىنعان ازامات ۇستالدى. كەيىن انىقتالعانداي, ۇستالعان ازامات 1993 جىلى تۋعان قىرعىز رەسپۋبليكاسىنىڭ ازاماتى بولىپ شىققان. ول كوپ وتپەي «الماتى-بىشكەك» باعىتىنداعى كس-109 اۋە رەيسىمەن دەپورتاتسيالاندى. «ءدال وسىعان ۇقساس وقيعا قورعاستا دا تىركەلدى. حالىقارالىق شەكارا بويى ىنتىماقتاستىعى ورتالىعىنىڭ اۋماعىنا كىرۋ ءۇشىن تەكسەرۋگە 1990 جىلعى قازاقستان ازاماتىنىڭ تولقۇجاتىن ۇسىنعان ازاماتتىڭ شىندىعىندا 1988 جىلى تۋعان رەسەي ازاماتى ەكەنى انىقتالدى. ول پانفيلوۆ اۋداندىق ىشكى ىستەر بولىمىنە تاپسىرىلدى», — دەلىنگەن حابارلامادا.

دەرەككوز: https://www.inform.kz/