الماتىدا سامسانىڭ اراسىنان ءتىرى تىشقان شىقتى

الماتىدا تۇسىرىلگەن بەينەجازبا الەۋمەتتىك جەلىلەردە ۇلكەن داۋ تۋدىردى. كادرلاردا كوشەدە ساتىلىپ تۇرعان سامسانىڭ اراسىندا ءتىرى تىشقان جۇرگەنى انىق كورىنەدى. ۆيدەونىڭ استىنا قالدىرىلعان پىكىرلەردەن-اق تۇرعىنداردىڭ اشۋى مەن جيىركەنىشىن بايقاۋعا بولادى, دەپ حابارلايدى Qandastar.kz Skifnews.kz اقپارات پورتالىنا سىلتەمە جاساپ.

كۋاگەرلەردىڭ ايتۋىنشا, مۇنداي جاعدايلار قوعامدىق تاماقتانۋ ورىندارىندا جيىلەپ كەتكەن.

پىكىر قالدىرعانداردىڭ ءبىرى: «كوشەدەگى سامسالاردىڭ 80 پايىزى گيگيەناعا ساي ەمەس. تازالىقتان گورى اقشا ماڭىزدىراق», – دەپ جازدى. تاعى ءبىرى: «وسى جەردىڭ تۇراقتى كليەنتى سياقتى جەپ جاتىر», – دەپ ءاجۋالادى.

جەلى قولدانۋشىلارى سانيتارلىق-ەپيدەميولوگيالىق باقىلاۋ ورگاندارىن دەرەۋ شارا قولدانۋعا شاقىرىپ جاتىر. ولار مۇنداي ورىنداردا تەكسەرىس كۇشەيتىلىپ, حالىقتىڭ دەنساۋلىعىنا قاۋىپ توندىرەتىن جاعدايلارعا جول بەرمەۋدى تالاپ ەتۋدە.

بۇل وقيعا كوشەدە ساتىلاتىن تاماق ونىمدەرىنە قاتىستى قوعامداعى سەنىمسىزدىكتى كۇشەيتتى. ساراپشىلار مۇنداي بەيبەرەكەت جاعدايلار جالعاسا بەرسە, تاماقتان ۋلانۋ مەن ءتۇرلى ىندەتتەردىڭ تارالۋ قاۋپى ارتاتىنىن ەسكەرتەدى.