الماتىدا تاعى دا جەر سىلكىندى

فوتو: اشىق دەرەككوز

جەر سىلكىنىسىنىڭ كوورديناتتارى: 42.916 س. ە. 76.766 ش. ب. جەر سىلكىنىسىنىڭ وشاعى قىرعىزستان مەن قازاقستان شەكاراسىندا الماتى قالاسىنان وڭتۇستىك-باتىسقا قاراي 35 كم جەردە ورنالاسقان, دەپ جازدى qandastar.kz

«تجم «سبزۇگو» جشس سەيسميكالىق ستانتسيالار جەلىسىمەن 2025 جىلعى 28 ناۋرىزدا استانا ۋاقىتىمەن 20 ساعات 35 مينۋتتا جەر سىلكىنىسى تىركەلدى.

جەر سىلكىنىسىنىڭ كوورديناتتارى: 42.916 س. ە. 76.766 ش. ب. جەر سىلكىنىسىنىڭ وشاعى قىرعىزستان مەن قازاقستان شەكاراسىندا الماتى قالاسىنان وڭتۇستىك-باتىسقا قاراي 35 كم جەردە ورنالاسقان.

ەسەپتىك قارقىندىلىعى (باللمەن) :

الماتى ق. — 2 ب.

قاراساي قالاسى (قاسكەلەڭ) — 2 ب.

قارعالى اۋىلى — 2 ب.», — دەلىنگەن تجم حابارلاماسىندا.

سونىمەن بىرگە قازىرگى تاڭدا ءتيىستى مەملەكەتتىك ورگاندار حاباردار ەتىلىپ, عيماراتتاردىڭ قيراۋى, تىرشىلىكتى قامتاماسىز ەتۋ وبەكتىلەرىنىڭ جۇمىس ىستەۋى بويىنشا مونيتورينگ جۇرگىزىلىپ جاتىر. جاعداي تۇراقتى.

«جەر سىلكىنىسىنىڭ پارامەترلەرىن باستاپقى عىلىمي ورتالىقتىڭ سەيسمولوگتارى ناقتىلاعاننان كەيىن جانە قوسىمشا جەتكىزەتىن بولادى. سابىر ساقتاڭىز!

جەر سىلكىنىسى كەزىندەگى 10 قاراپايىم قادام

1. جەر ءدۇمپۋى كەزىندە ۇرەيلەنبەڭىز;

2. جەر سىلكىنۋ كەزىندە ليفت جانە باسپالداقپەن قولدانباڭىز;

3. جيhازدان, تەرەزەدەن, ارى تۇرىڭىز;

4. جاسىرىناتىن جەردى تابىڭىز — جوعارعى قاباتتاردا نەگىزگى ىرگەلى قابىرعالاردىڭ بۇرىشىندا ورىن الىپ جاسىرىڭىز;

5. — عيماراتتان شىعىڭىز (تومەنگى قاباتتاردا);

— كوپ قاباتتى ۇيلەردە جەر سىلكىس اياقتالعان سوڭ عيماراتتان شىعىڭىز

6. كەتەر الدىندا سۋدى, گازدى, ەلەكتر قۋاتىن مۇمكىندىگىڭىزشە ءوشىرىڭىز;

7. دابىل جول ساندىعىن الىڭىز ( *الدىن الا دايىنداۋ قاجەت);*

8. ەلەكتر جەلىلەردەن , عيمارات, اعاشتاردان اۋلاق بولىڭىز;

9. جەر سىلكىنۋىنە دايىن بولىڭىز;

10. قارت ادامدارعا, بالالارعا, مۇمكىندىگى شەكتەۋلى ادامدارعا كومەك كورسەتىڭىز», — دەپ ەسكەرتتى قالا تجد وكىلدەرى.