جاڭالىقتار
الماتىدا تاكسي جۇرگىزۋشىسى ءۇندىستاننان كەلگەن بلوگەردى الداعان
فوتو: اشىق دەرەككوز
الماتىدا شەتەلدىك ءتۋريستى الداعانى ءۇشىن تاكسي جۇرگىزۋشىسى ۇستالدى, دەپ حابارلايدى Azattyq Rýhy.
پوليتسيا 27 جاستاعى ەر ادامدى ۇستادى. ول ءۇندىستاننان كەلگەن تۋريسكە جول اقىسىن الدىمەن مىڭ تەڭگە دەپ الداپ, كەيىن 77 مىڭ تەڭگە بەرۋىن تالاپ ەتكەن.
«تەكسەرۋ بارىسىندا ەر ادامنىڭ ءتيىستى قۇجاتتارسىز جەكە تاسىمالداۋمەن اينالىسقانى, ءوز قىزمەتتەرىن ازاماتتاردىڭ مازاسىن الا وتىرا ۇسىنعاندىعى, سونداي-اق ونى ۇستاۋ كەزىندە پوليتسيا قىزمەتكەرىنىڭ زاڭدى تالاپتارىن ورىنداماعاندىعى انىقتالدى», – دەپ حابارلادى پوليتسيا .
الماتى قالاسىنىڭ مامانداندىرىلعان اۋدانارالىق اكىمشىلىك سوتىنىڭ شەشىمى بويىنشا قۇقىق بۇزۋشى 15 تاۋلىككە قاماۋعا الىندى.
