Almatyda tanymal bloger Álibekovtiń Lamborghini kóligi 22 jastaǵy jigitti qaǵyp óltirdi

Foto: instagram.com/alibekovkz

Almatyda tanymal bloger Álibekovtiń Lamborghini kóligi 22 jastaǵy jigitti qaǵyp ketken, dep habarlaıdy qandastar.kz  Skifnews.kz aqparat portalyna silteme jasap.

Oqıǵa 29 qazan kúni Almaty-Astana tas jolyndaǵy Sokol avtodromynda arnaıy trıýk jasaý kezinde bolǵan. Batyrhan esimdi jigit júrip kele jatqan Lamborghini kóligini ústinen sekirýi kerek edi. Qorqynyshty trıýk barysynda 45 jastaǵy Anatolıı Podlıpalın jigitti qaǵyp ketken. Kóliktiń tanymal bloger Beıbit Álibekovke tıesili ekeni anyqtaldy.

Oqıǵadan keıin Batyrhan Ile aýdanyndaǵy ortalyq aýrýhanaǵa jetkizilip, oǵan aýyr bas-mı jaraqaty, samaı súıeginiń synýy jáne úshinshi dárejeli koma dıagnozy qoıylǵan. 30 qazan kúni jas jigit alǵan jaraqattarynan aýrýhanada kóz jumdy.

Oqıǵa “aýyr zardaptarǵa ákep soqqan jol qozǵalysy erejelerin buzý” baby boıynsha tirkelip, tergeý bastaldy.

Oqıǵaǵa qatysty bloger Beıbit Álibekov túsindirdi.

«Batyrhan Erjan esimdi jigit menen kólikti qaıta-qaıta surady. Trıýk jasap, vıdeoǵa túsirgisi keletinin aıtqan. Birneshe ret suraǵannan keıin kóligimdi bergen bolatynmyn. Qaıǵyly oqıǵa trıýk jasaý kezinde oryn alǵan. Artynsha ol aýrýhanada kóz jumdy. Kóligimdi bermeýim kerek edi. Otbasy men jaqyndaryna qaıǵyryp kóńil aıtamyn», –  dedi Álibekov.